Поиск

ot 1. Bino, imorat quruvchi ishchi, usta.

Mohir binokor. Binokorlar bayrami. Binokor usta,

Chor atrofi beton devorlar bilan oʻralgan bu qurilish maydonida binokorlarning ish boshlaganiga koʻp boʻlgani yoʻq. — Gazetadan

2. koʻchma Bunyod etuvchi; bunyodkor, ijodkor.

Mustaqilligimiz binokorlari. Madaniyatimiz binokorlari.

ot 1. Bino qurish bilan shugʻullanishlik; binokor kasbi.

Binokorlik — mening ota kasbim.

Ali tajang juda toʻgʻri oʻsgan, yoʻgʻon va baland qaragʻayni suyib quchoqladi. Binokorlikdan picha xabardor edi u. — Oybek, Quyosh qoraymas

2. Qurilish ishi; qurilish sohasi, qurilish.

Men binokorlikda ishlayman. Binokorlik materiallari.

Tepaning talay hissasi koʻchaning bu betidagi yangi binolarning xom gʻishti, suvogʻi kabi binokorlik ehtiyojlariga ishlatilib, bir nimtasi olingan tuyadek koʻrinishga kelib qolgan. — A. Qodiriy, Obid ketmon