Поиск

ot esk. Gazlama bilan savdo qiluvchi doʻkondor; gazlamafurush.

Ulgurji, chakana savdogarlar, attorlar, bazzozlar, moʻynadoʻzlar karvon kelib tushgan saroylar atrofida uymalashib qoldilar. — M. Osim, Oʻtror

Qiz bu gal chimmatini sal koʻtargan ekan, bazzoz bola qizning chiroyliligiga behush boʻlib, aqlidan adashib, yotib qolibdi. — Luqmoni Hakim

ot 1. Gazlama sotish, bazzoz ishi bilan shugʻullanishlik.

— Oʻn yil bazzozlik qilgan boʻlsa, juda boyib ketgandir, — dedi Dilshod. — M. Ismoiliy, Fargʻona tong otguncha

2. Gazlamafurush (bazzoz) doʻkonlari joylashgan, ular savdo qiladigan rasta, qator.

Paxtachilik ziroatchilikda eng koʻp daromad keltiradigan boʻlgach, bazzozlikdagi doʻkonini akasi Ahmadxoʻjaga topshirib, oʻzi Soyariq qishlogʻiga koʻchib ketdi. — M. Osim, Tilsiz guvoh

Ena, mana bu attorlik, bazzozlikda bir yigit bor emish, husn-u jamoli oftobni xira qilar emish. — Luqmoni Hakim