Поиск

Shaxsiy kompyuterlarda ishlatiladigan Microsoft Windows NT oilasiga mansub operatsion tizim. Windows XP kabi, Windows Vista faqat mijoz tizimi hisoblanadi. Windows Vistada xotirani va kiritish-chiqarishni boshqarish quyi tizimi yangilangan. Tashqi USB flesh tashuvchilaridan operatsion xotira sifatida foydalanish imkoniyati paydo boʻlgan, bu esa baʼzi hollarda unumdorlikni 40 foizga oshiradi. Operatsion tizimda xohlagan simsiz va korporativ tarmoqlarga ulanish va uzoqdan foydalanish ulanishlarini yaratish uchun yagona interfeys qoʻllaniladi. Windows Vistada tarmoq steki qayta yozilgan, diagnostika, monitoring, ogohlantirish vositalari, Windows Firewall hamda xotira va fayl tizimi boshqaruvi yaxshilangan.