Поиск

son 1. Tartib qatori, oʻrni 4 raqami bilan belgilangan, 4 nomerli.

Toʻrtinchi uy. Toʻrtinchi bet. Toʻrtinchi sinf.

Nihoyat, toʻrtinchi kuni ov baroridan keldi. — A. Qahhor, Oltin yulduz

2. Katta-kichik narsalarning uchinchidan katta, beshinchidan kichik oʻlchami.

Toʻrtinchi kalish.

3. ot , tar. Oktyabr toʻntarishining dastlabki kunlarida, fuqarolik urushi yillarida bolsheviklarga berilgan nom (bolsheviklar Taʼsis majlisiga saylovlarga koʻrsatilgan nomzodlar roʻyxatida toʻrtinchi oʻrinda boʻlgan).

[Muxtor:] Bugun qoʻlga olinadigan toʻrtinchilarning roʻyxati Toʻrabekka topshirilgan. Toʻrabek bu topshiriqni bajara olmasa, ertaga ishimiz barbod boʻladi. — A. Rahmat, Abdulla Nabiyev

Yuqori pogʻonadagi tillarga nisbatan inson tiliga yaqinroq turadigan (koʻpincha 4GL deb ataladigan) dasturlash tillari. Atama Jim Martin tomonidan maʼlumotlar bazasi tizimlari bilan oʻzaro ishlaydigan yuqori pogʻonadagi dasturlash tillarini tasviflash uchun ixtiro qilingan. Toʻrtinchi avlod tillariga maʼlumotlar bazasiga soʻrovlar tillari (SQL, Focus, Metafont, PostScript, RPG-II, S, IDL-PV/ WAVE, Gauss, Mathematica) va maʼlumotlar oqimlarini boshqarish tillari (AVS, APE, Iris Explorer) misol boʻladi. Kompyuter tillarining qolgan avlodlari quyida sanab oʻtilgan. Bularga: - birinchi avlod: mashina tili; - ikkinchi avlod: Assembler tili; - uchinchi avlod: yuqori pogʻonadagi tillar, masalan, C, C++ va Java; - beshinchi avlod: sunʼiy tafakkur va neyron tarmoqlarida masala yechishda foydalaniladigan tillar kiradi.английскийfourth generation language (4GL)русскийязык четвертого поколения