Поиск

ot 1. Toʻqimoq feʼlidan sifatdosh.

Toʻquvchi ayol.

2. Toʻquvchilik kasbini egallagan shaxs, mutaxassis; toʻqimachi.

Toʻquvchi hushyor, uquvli boʻlishi shart. — M. Joʻra, Quyoshdan nur emganlar

— Qanday mutaxassislikka oʻqiysizlar? — deb soʻradi Elmurod. —Toʻquvchi masterlikka, — dedi qiz. — P. Tursun, Oʻqituvchi

ot Tabiiy va sunʼiy tolalardan gazlama va boshqalar toʻqimachilik mahsulotlari olish jarayonlari majmui; toʻquvchi ishi, kasbi; toʻqish ishi.

Toʻquvchilikni oʻrganmoq. Toʻquvchilik dastgohi.

— Kasbim toʻquvchilik, Shokirbek, — dedi uy egasi. — A. Qodiriy, Oʻtgan kunlar

— Ammo, — davom etdi Gulandom, — bozor kasodligidanmi yo ishi yaxshi unmaganligidanmi, dadam toʻquvchilikdan yolchimadi. — Oybek, Tanlangan asarlar