Поиск

ot 1. yoki Shangʻi ovoz (tovush) Baland va qoʻpol ovoz, tovush.

Yoʻlning olisligini bildirmaslik uchunmi, Abiljon shangʻi ovozi bilan goh qoʻshiq aytar, goh hazilomuz gap qotib borar edi. — H. Nazir, Oʻtlar tutashganda

Kimdir shangʻi tovush bilan: — Mulla Asad, hamqishlogʻingizni chaqirib chiqing, ikkita ashula qilib bersin, — dedi. — M. Ismoiliy, Fargʻona tong otguncha.

2. Shunday tovush bilan gapiradigan; baqiroq.

Shangʻi xotin.

Sidiqjonning koʻziga qabr singari qop-qorongʻi va tor uy, qaynanasi singari oʻlgunday badjahl va shangʻi kampir koʻrinib ketdi. — A. Qahhor, Qoʻshchi-nor chiroqlari

Shangʻi samovarchi joʻmragi uchiga jez qoplangan choynakni bir piyola bilan doʻq etib qoʻyib ketdi. — Oybek, Tanlangan asarlar

fl. 1. Baland ovoz bilan, baqirib gapirmoq.

Telefonda gaplasha-yotgan rayijrokom raisi ovozining boricha shangʻillar, gapni tushuntirolmay boʻgʻilardi. — S. Ahmad, Hukm

Koʻp oʻtmay askiyachilarning shangʻillagan ovozi hammaning diqqatini jalb qildi. — M. Osim, Sehrli soʻz

2. Qattiq yoqimsiz ovoz chiqarmoq.

Qoʻngʻiroq qattiq shangʻilladi.

fl. Shangʻillamoq feʼlining orttirma nisbati.

казахскийЖіктік қосымшалары арқылы қолданурусскийИспользование лично-числовых суффиксов

sft. 1. Yasangan-tusangan, nihoyatda chiroyli, koʻrkam; olifta.

Kiyimlari bashang qozoq biylari, boʻlislari va qoʻychi boylari viqor bilan ot ustida yuradilar. — Oybek, Bolalik

U [Sohiba] xuddi ulugʻ bayramlardagidek bashang kiyingan. — Gazetadan

Mehmonxonaga bashang kiyingan yoshgina yigit kirib keldi. — Yoshlik

Odamlar hozirgi kunda yangi, bashang kiyinish uchun sarf-xarajatdan qochmaydigan boʻlib qolishgan. — Gazetadan

2. Oʻziga zeb berishni, modaga muvofiq kiyinishni yaxshi koʻradigan, modaboz, olifta.

Bashang ayol.

Joy bermadi tramvayda Allaqanday bir bashang, Kasofatning kasri urib, Yana tagʻin siz tajang. — A. Oripov

3. koʻchma Chiroyli, did bilan bezatilgan.

Dasturxon bir nafasning oʻzida xuddi bayramdagidek bashang tuye oldi-qoʻydi. — L. Tojiyeva, Mehrim sizga, odamlar

Uni bashanggina jihozlangan xonaga taklif qildi. — Sh. Toshmatov, Tongdagi koʻlanka

sft. Gapni, ishni eplay olmaydigan, boʻsh, lavang, lapashang.

Anvar yoshligida boʻshanggina bir bola edi. — A. Qodiriy, Mehrobdan chayon

Bolalar uni boʻshang deb bilib, baravar tortishishdan man tortishmasdi. — Yoshlik

Shunchalik ham boʻshang boʻladimi odam, loaqal oʻgʻli tengi bolani tartibga chaqirib qoʻyolmasa! — Yoshlik