Поиск

ot Turli buyumlarni, bisotlarni solib qoʻyishga moʻljallangan, ochilib-yopiladigan qopqoqli, qulf-kalitli, yashik shaklidagi uy-roʻzgʻor buyumi.

Sandiq ichida podshoh inʼom qilgan oltinning bir qismi hamyoni bilan turgan edi. — P. Qodirov, Yulduzli tunlar

Men keltirgan atlasni Yorim solmas sandiqqa. — Qoʻshiqlar

Yoshlikdan boshlab kelinoyilarining sandiqlarini, qutilarini tintib oʻrgangan Nuri kaliti burnida unutilgan bir qutini ochdi. — Oybek, Tanlangan asarlar

ot Kichkina, jajji sandiq; quti.

Boyvachcha xaltalarni oʻrtaga keltirib qoʻydi-da, miq etmay oʻtirgan Qora Qoplonga qarab: — Qani, bu oltin tangalar toʻla xaltalarni sandiqchaga joylab, xurjunlarga solaylik, — dedi makkorona iljayib. — K. Yashin, Hamza

ot ayn. Sandiqsoz.

Kumush yana tinchiy olmadi: — Bizning urishib qolishimiz uchun Karim sandiqchining ham daxli bor! — dedi. — A. Qodiriy, Oʻtgan kunlar

ot Sandiq yasovchi usta; sandiqchi.

Bu yigit sandiqsozdan chiqqan yosh shoir Usmonxoʻja Zoriy edi. — S. Abdulla, Mavlono Muqimiy

ot Sandiqda koʻp yotaverib, asl sifatini, jilosini, pishiqligini yoʻqotgan (buyum, mato, kiyim-kechak va shu kabilar).

Buvimning xorijdan keltirilgan kimxob kamzullari koʻp yillar saqlanib, sandiqzada boʻlib qolibdi. — Gazetadan

ot Sandiq yasovchi usta kasbi.