ot 1. Haq-huquqdan mahrum etilgan, haq-huquq toptalgan holat.
Bu qanday kun, bu qanday haqsizlikki, sening inon-ixtiyoringga ham chang solib, sening nomingdan boshqalarning nikohiga ham rozilik beraverishadi. — K. Yashin, Hamza
Mening boshimga haqsizliklar, haqoratlar, xoʻrliklar tushgandan keyin oq-qorani ancha taniydigan boʻldim. — M. Ismoiliy, Fargʻona tong otguncha.
2. Nohaq ish, xatti-harakat; nohaqlik.
Podshoning mardikor olish toʻgʻrisidagi farmoni ustida soʻz qoʻzgʻalarkan, xalq har xil jabr, zulm, haqsizliklardan achchiq shikoyat qilar edi. — Oybek, Tanlangan asarlar
Jahon tinchligiga xavf solsa birov, Haqsizlik yuz bersa, qololmayman jim. — Uygʻun, Hayot chaqiradi