Поиск

Duygusal.HISSIY

sft. 1. His, sezgiga oid.

Dunyoga kelgan chaqaloqlar ulgʻaygani sayin, ularda hissiy aʼzolar asta-sekin shakllana boradi. — Fan va turmush

2. His-tuygʻu bilan bogʻliq, hissiyotni ifodalovchi.

Hissiy holat. Hissiy kechinmalar.

Qitʼa tili uchun gʻazalga xos boʻlgan hissiy boʻyoqlar yolqinida soʻzlarni jilvalantirish tamoyili xarakter kasb etmaydi. — OʻTA

Oʻzida yuksak hissiy-axloqiy madaniyatni mujassamlantirgan tarbiyachigina bola kayfiyatiga mos vositalarni tanlay biladi. — Fan va turmush

sft. 1. Sezish, his etish qobiliyatidan mahrum, sezmaydigan; hushsiz.

Nahot jumhuriyat matbuoti Kenjalar singari badxoh, johil, hissiz, kishining kamolotini koʻrolmay turganlar qoʻlida boʻlsa! — A. Qahhor, Sarob

Shoirni hech taniganmi hissiz dimogʻdor — A. Oripov, Yillar armoni

2. Hissiyot, his-tuygʻudan xoli; biror his-tuygʻu uygʻotmaydigan.

Ocherkda qahramon haqida faqat uning planni ortigʻi bilan bajarishi hissiz bayon etilgan. — F. Musajonov, Himmat

— Boʻldi yigʻlamang, —uning ovozi negadir hissiz, sovuq edi. — Oʻ. Hoshimov, Qalbingga quloq sol

Duygular, sezişler.HISSIYOT

ot Kishi ruhiyatida yuzaga kelgan hissiy holat; shaxsning voqelikdagi narsa va hodisalarga, kishilarga hamda oʻz-oʻziga boʻlgan munosabatlaridan kelib chiqadigan kechinmalari.

Hulkarning Rohila xolaga rahmi keldi, uni allaqanday bir hissiyot hayajonga soldi. — J. Abdullaxonov, Toʻyga kelinglar

U shirin, orombaxsh hissiyotlar qurshovida tunning qanday oʻtganini ham bilmay qoldi. — S. Karomatov, Bir tomchi qon

Bugungi kun yozuvchisi zamonamiz kishisining oʻy-xayollari va hissiyotlarini oʻz qalbida tuygan ijodkordir. — OʻTA

Kishining ichki hissiyotini yuzidagi oʻzgarishlardan tezda payqab oluvchi Islomxoʻja qizidagi alam-iztirobning izlarini darhol sezdi. — J. Sharipov, Xorazm

sft. 1. His etish qobiliyati kuchli.

Hanifa Mavlonova nihoyat baland ovozli, lirik hissiyotli artistka. — Yu. Hamdam, Doʻstlik qoʻshiqlari

2. Hissiyot ifodali.

Berdaq nafis hissiyotli, teran ijtimoiy mazmunli lirik sheʼrlar yaratdi. — V. Zohidov, Haqiqat jarchisi