sft. 1. Turli kasalliklarga dori boʻladigan yoki dori olinadigan.
Dorivor oʻsimliklar. Dorivor moddalar.
U
dorivor giyohlarni togʻma-togʻ yurib topib kelar, quritar, katta-kichik hovonchalarda yanchib tuyar — dori tayyorlar edi. — K. Yashin, Hamza
Oʻsimliklar dorivor moddalar manbaidir. Shunday moddalardan biri gul nektaridir. — Fan va turmush
2. Ovqatni va ovqat mahsulotlarini xushxoʻr qiladigan moddalar (zira, zirk, zarchuva, qalampir va shu kabilar).
Murch ziravorgina emas, dorivor hamdir: u ovqatni yaxshi hazm qildiradi, terlatuvchi xususiyatga ham ega — Gazetadan
Supaning bir tomonini qogʻozga oʻralgan murch, zarchuva, qalampir, zira singari dorivorlar, kashnich, koʻkpiyoz, jambil singari koʻkatlar band qilgan. — A. Qahhor, Sarob
Ular [savdogarlar] Rossiya bozorlariga Hindiston dorivorlari, Samarqand, Buxoro kosiblari toʻqigan shoyi, atlas, zarbof, kimxob, baxmal olib borar edilar. — M. Osim, Elchilar
3. s. t. Turli texnologik jarayonlarda ishlatiladigan moddalar.
Koʻnchilik dorivorlari.
begona oʻtlarni purkash yoʻli bilan yoʻqotish maqsadida kimyoviy dorivorlardan foydalanish kerak. — Gazetadan