Поиск

Kondensatsiyalangan sulfit-spirtli barda (toʻpon) — sulfit-spirtli toʻponlar lignosulfonatlarining formaldegid va fenol bilan nordon muhitda, 90—95°S temperaturada kondensatsiyalanish mahsuloti. Bu reagent chuchuk suvli, kuchsiz minerallashgan, ohakli va xlorkalsiyli eritmalarning ham past, ham yuqori temperaturali quduqlarda suv beruvchanligini pasaytirishga xizmat qiladi. Reagent namligi 10%, kukun koʻrinishida, konsentratsiyasi 25% li koʻrinishda chiqariladi. Tarkibida 10% li tuzi boʻlgan chuchuk suvli eritmaga bu reagent bilan ishlov berilganda uning suv beruvchanligi kamayadi. Reagentdan birinchi marotaba 7% qoʻshilganda suv beruvchanlik 5sm³ gacha, ikkinchi marotaba — 10 sm³ gacha boʻlishi lozim.