Поиск

burime. Oldindan berilgan qofiya asosida yaratilgan sheʼr. Burimeda oldindan berilgan qofiya asosida sheʼr yozilsa ham, biroq har bir misra mazmunan va mantiqan bir-biri bilan shu qadar birikib ketadiki, natijada misralarning oʻrnini bir-biri bilan almashtirish yoki birortasini chiqarib tashlash ham mumkin boʻlmay qoladi. Burime shoirlarning bir-birlari bilan kuch sinashishlarida, bir-birlarining mahoratlarini aniqlab olishlarida muhim vosita hisoblanadi.

— burime oʻyini. Oldindan berilgan qofiya asosida kim oʻzarga sheʼr toʻqish oʻyini (q. Burime). Bunda toʻqilgan sheʼr yaxlit gʻoyaviy mazmunga va yaxlit kompozitsion tuzilishga ega boʻlishi kerak. Binobarin, burime oʻyinini oldindan berilgan qofiya asosida pala-partish sheʼr yozish deb tushunmaslik kerak. Burime oʻyini shoirning hozirjavobliligi va mahoratini sinab koʻrishda muhim rol oʻynaydi. Biroq aksariyat hollarda burime oʻyini shaklbozlikka, asarning gʻoyaviy jihatdan jonsiz chiqishiga ham olib kelishi mumkin.