Поиск

ot Ziyoli boʻlish.

ot 1. Yogʻdu, yorugʻlik, nur.

Qayerdandir otilgan mushakning koʻz qamashtiruvchi yorqin ziyosi tunni goʻyo kunduzga aylantirib yubordi. — N. Safarov, Vodillik qahramon

Orombaxsh tong! Togʻ orqasidan koʻtarilayotgan quyoshning dastlabki zarrin ziyolari shiypon tepasidagi shoxlar, daraxtlarning uchlariga tushdi. — R. Fayziy, Choʻlga bahor keldi

2. koʻchma Bilim, maʼrifat, ilm; ongni yorituvchi har qanday narsa.

U [kitob] inson ongini peshlab, ziyo sari yoʻlini nurafshon qiluvchi mashʼal ekanligi azaldan maʼlum. — Gazetadan

[Guli:] Gʻazal ermas, bu bir mehri giyodur, Munavvar aylagan dilni ziyodur. — Uygʻun va I. Sulton, Alisher Navoiy

Gap odamlarning nomida emas, albatta. Gap respublikada ziyo tarqatib kelayotgan muhtaram oʻqituvchilarimiz, ularning beminnat, lekin mashaqqatli mehnatidadir. — N. Safarov, Olovli izlar

3. Ziyo (erkaklar ismi).

sft. 1. Ortiq, koʻp, bisyor.

Gʻujbogʻda yuzdan ziyod xonadon bor. — Yoshlik

Hozirgacha 2 ming tonnadan ziyod oq oltin tergan boʻlajak shifokorlar kun sayin gʻayratga gʻayrat qoʻshishyapti. — Gazetadan

[Xosiyat:] Men seni oʻz bolamdan ziyod qilib, yelkamda koʻtarib katta qilganman — N. Safarov, Sharqtongi

2. Ziyod (erkaklar ismi)

ot ayn. Zarar.

Ziyon keltirmoq. Ziyon koʻrmoq.

Sen churvaqalarning qoʻlidan keladigani shu-da! Ishga ziyon yetkazishdan boʻlakni bilmaysanlar. — H. Nazir, Soʻnmas chaqmoqlar

Shahar koʻchasida tutun burqsitib yurgan mashinaning ziyoni baʼzan u keltirgan foydadan ham koʻpdir. — Gazetadan

sft.

Alamli dardlari boʻlar ziyoda, Jafo koʻrar yoʻlda poyi-piyoda. — Oysuluv

Boʻlurmi zulm bundan ham ziyoda? — S. Abdulla, Tohir va Zuhra

2. koʻchma Aʼlo, yaxshi.

Anash xalfa. Tabiat uni barkamol etib yaratmish: husn-u malohati-yu aql-u zakovati bir-biridan ziyoda. — S. Siyoyev, Avaz

Aytish qiyin, doʻstim, dafʼatan: Shirinlikda nima ziyoda? Goʻdak uchun ona koʻksidan Shirin narsa yoʻqdir dunyoda. — E. Vohidov, Muhabbat

3. Ziyoda (xotin-qizlar ismi).

sft. Aqliy mehnat bilan shugʻullanuvchi; ilmli, oʻqimishli, maʼrifatli.

Qishloq ziyolilari.

Minbarlardan xalq ziyolilari sharafiga tabrik soʻzlari yangramoqda. — Gazetadan

— Injenerlar ham ziyoli hisoblanadimi? — dedi Yoqubjon Saidiyga qarab. — A. Qahhor, Sarob

n 1. candelabra

2. object-of-desire

a shining, beaming, light

ot 1. Tantanali mehmondorchilik, banket.

Ziyofat oxirladi. Oqshom tushib, ziyofat yarimlaganda, hovliqib hudaychi kirdi. — S. Siyoyev, Avaz

Joʻralaringni chaqirib, ziyofat qilib ber, jili yalangʻoch boʻlib qolmassan [dedi brigadir] — . S. Nurov, Maysalarni ayoz urmaydi

2. Umuman, mehmondorchilik, mehmon qilish.

Hakimboyvachcha bir katta xitoy laganda uyilgan qirgʻovul, kaklik goʻshti qovurmasi bilan [ellikboshini] ziyofat qildi. — Oybek, Tanlangan asarlar

3. Taom, yemak; yeguliklar.

Shonazar ziyofat keltirdi. Hakimjon bilan Zevarxon shu vaqt-da xurjundan shaxmatni olib, ermak qilib oʻynab oʻtirishdi. — Tohir va Zuhra

Shuncha yegan ziyofating bas endi. Joning boʻlsa, oʻzing qilgin amaling. — Bahrom va Gulandom

ot Ilm tarqatuvchi, maʼrifatparvar, bilim targʻib qiluvchi.

Kutubxonaning oʻzida ziyokorlar ulugʻ sanalarga kitob koʻrgazmalari oʻtkazishmoqda. — Gazetadan

Ziyokor oʻqituvchi mudom porlab nur bermogʻi, oʻz ziyosidan avlodni bahramand qilmogʻi lozim. — R. Usmonov, Odobnoma

sft. ayn. Zararli.

Ziyonli ish. Ziyonli hasharot. Chekish ziyonli.

ot 1. din. Muqaddas joylarga, mozor va qabristonlarga borib sigʻinish.

Shuning uchun chinorning ziyoratiga atrof-tevarakdan har yili tumonat odam kelib ketadi. — A. Muxtor, Chinor

2. Hurmat yoki rasmiyat yuzasidan keksa, tabarruk kishilar, hurmatli zotlar huzuriga tashrif buyurib, ularning holidan xabar olish, ularni muborakbod qilish.

— Otamni ziyorat etgali kelib edim, — dedi Amatjon. — S. Siyoyev, Yorugʻlik

— Mirzo Anvar inimga xudo martaba ato qilgan emish deb eshitdim, — dedi Safar boʻzchi, — pirimni ziyorat qilay, deb kelyapman. — A. Qodiriy, Mehrobdan chayon

ot Zarar yetkazuvchi, zararkunanda.

Sizga boshqa odamlar toʻsqinlik qildi, boʻlmasa, bunday ziyonchilar, xushomadgoʻylarni urib, patini toʻzitib yuborar edingiz! — A. Qahhor, Munofiq

sft. Zararsiz, beziyon.

ot Ziyoda boʻlish.

ot Ziyonli boʻlish.

ot din. Muqaddas joylarga ziyoratga borgan yoki boruvchi kishi.

Darvozani taqillatib charchagan ziyoratchilar qoʻshni tomondan oshib, darvozani ochdilar. — U. Ismoilov, Saylanma

U mozorga tevarak-atrofdan ziyoratchilar turli-tuman nazr-niyozlar va shu jumladan yegulik narsalar koʻp keltirar ekanlar. — S. Ayniy, Esdaliklar

Shaharlarning maʼmuriyatlari ziyoratchilarning mamnun boʻlishi uchun barcha tadbirlarni koʻrmoqdalar. — Gazetadan

ot 1. Ziyorat qilinadigan muqaddas joy, tabarruk qadamjo (aziz-avliyolarning maqbarasi yoki tugʻilgan, yashagan joyi).

Zangi bobo ziyoratgohi bir maqbaradir. — M. Muhammadjonov, Turmush urinishlari

Kecha-kunduz ziyoratgoh gavjum boʻlar odamga. — U. Ismoilov, Saylanma

2. Kishilar koʻp boradigan, yigʻiladigan moʻtabar joy.

Begimqul oʻzbek oʻgʻloni boʻlsa ham, uning qoni Belorussiya tuprogʻiga toʻkildi. Shu boisdan uning qabri beloruslar uchun ziyoratgohga aylandi. — N. Safarov, Olovli izlar

ot Ziyonchi boʻlish odati.

ot Ziyoni yoʻqlik, bezararlik.