Поиск

ot 1. Zeb, chiroy berish uchun xizmat qiluvchi buyum; bezak.

Ziynat asboblari.

Unsin onasidan yodgor qolgan va yagona ziynati boʻlgan yupqagina eski bilaguzukni aylantirib gapirdi. — Oybek, Tanlangan asarlar

Onamdan teggan meros, Yetti pushtimga asos. U na ziynat, na davlat, Na sukunat, na rohat. — G. Joʻrayeva, Iqbol

2. koʻchma Husn, koʻrk beruvchi narsa; koʻrk; izzat-hurmat.

Kamtarlik — inson ziynati. — Maqol

Dasturxon — odamning ziynati, bolam. Odam oldiga dasturxon yoyish — ota-bobomizdan qolgan rasm. — P. Tursun, Oʻqituvchi

Oʻrnidan turib choy berish odamzodning ziynatidir, kelinlarning bor-yoʻgʻi kelinligi ham shunda-ku! — A. Qodiriy, Oʻtgan kunlar

3. Ziynat (erkaklar va xotin-qizlar ismi).

sft. 1. Ziynat berilgan, naqshlar bilan bezatilgan.

Ziynatli kamar. Ziynatli taqinchoq.

2. koʻchma Goʻzal, chiroyli, koʻrkam.

Ziynatli turmush.

fl. Bezamoq, naqshlar bilan chiroy bermoq.

Xorazm tuprogʻida yetilgan totli mevalar, turkman otlari, eroniy gilamlar, Xiva zargarlari ziynatlagan tilla buyumlar, toy-toy ipak oʻramlari imperator hazratlariga peshkash qilinadi. — S. Siyoyev, Avaz

fl. Ziynatlamoq feʼlining majhul nisbati.

fl. Ziynatlanmoq feʼlining orttirma nisbati.

fl. Ziynatlantirmoq feʼlining majhul nisbati.

ot 1. Turli xil bezaklar, ziynat buyumlar.

Baʼzan zeb-u ziynat taqinchoqlarga behad berilgan ayollar ham uchraydi. — R. Usmonov, Odobnoma

Kiyim-bosh, zeb-u ziynat ishlaganga yarashadi. — S. Ahmad, Qadrdon dalalar

2. koʻchma Koʻrk, husn, chiroy.

Yaxshi fazilating — zeb-u ziynating. — Maqol

Sogʻingan kunlar va ayriliq oylarida dillarga tugilgan noyob va shirin, hayajonli va samimiy soʻzlar sevgi suhbatining mundarijasi va zeb-ziynati edi. — Sh. Rashidov, Boʻrondan kuchli

погов. дочь в доме украшение, сын в доме — беспокойство.