Қидирув

сфт. Занжири бор.

от 1. Бир-бирига тартиб билан, бирин-кетин ўтказилган, бириктирилган металл (ёки бошқа қаттиқ материал) ҳалқалар шаклидаги, рўзғорда, хўжаликда турли мақсадларда ишлатиладиган арқон(ча), тизимча.

Темир занжир. Соат занжири.

Боғлаб қўйилган шердай ит боғ томонга қараб ириллар, занжирни узиб юборгудай ўзини отарди. — Ғ. Ғулом, Машъал

Бунақа занжирни янга тугул, қишлоғимиздаги манман деган темирчи ҳам узиши қийин. — С. Сиёев, Ёруғлик

2. Металл ҳалқалардан тайёрланган, эшик ёки дарвозаларни беркитиб қўйишда бир томони зулфинга илинадиган илгак.

Эшикнинг занжирини илиб қўйинг.

[Ҳасанали] Занжирни тушириб, дарвозанинг бир табақасини очиш ҳамоно шу табақага суялиб турган Отабек Ҳасаналининг оёғи остига йиқилиб тушди. — А. Қодирий, Ўтган кунлар

3. кесим взф. Занжир билан беркитилган, занжирланган.

[Отабек] Жаннат опанинг эшик занжир деган товушини эшитгач дарича ёнига чўнқайди. — А. Қодирий, Ўтган кунлар

4. Олтин, кумушдан ясалган кичик нозик ҳалқалардан тайёрланган, бўйинга ёки қўлга тақиладиган зийнат буюми.

5. махс. Машина, механизм ва баъзи қурилмаларнинг кетма-кет бириктирилган ҳалқа-қисмлардан иборат эгилувчи, айланадиган қисми.

Шу вақт ўрта кўчада занжири узилиб, ёʻлга кўндаланг бўлиб қолган танкдан якка милтиқ овози эшитилди. — И. Раҳим, Чин муҳаббат

6. Маҳбусларнинг қўли ёки оёғига боғланадиган темир ҳалқа; кишан.

Шоир Аваз хоннинг ғазабига дучор бўлади ва занжирда азоб-уқубат билан вафот этади. — Ўзбек адабиёти тарихи

7. кўчма Қуллик, асорат; бирор нарса-ҳодисанинг қуршови, исканжаси.

Эски урф-одатлар занжири ҳамон Гулсумнинг эркини бўғиб, тақдирига хавф солиб турарди. — П. Турсун, Ўқитувчи

8. кўчма Бирор нарса ёки кимсаларнинг узлуксиз, тиғиз боғланиб турган қатори, тизмаси.

Воқеалар занжири.

Ғуломжон миршаблар занжирини узиб, олдинга ўтди. — М. Исмоилий, Фарғона тонг отгунча

9. кўчма Икки нарсани, кимсани ўзаро чамбарчас боғловчи нарса; ришта, робита.

[Анвар:] Жуфтланишнинг, менимча, энг муҳим бир шарти бор, ул ҳам икки тарафнинг муҳаббат занжири билан бир-бирларига қат-тиқ боғланишларидир. — А. Қодирий, Меҳробдан чаён

10. физ. Тех. Узлуксиз, айланма тизим ёки қатор ҳосил қилувчи элементлар бирикмаси.

Электр занжири.

Маълум шароитларда айланувчи звеноларни ажратиш ва бирлаштиришга мўлжалланган муфта

shınjır formasındaǵı naǵıs túri.

Занжирга боғланган, кишанланган.

Занжирбанд ит.

Тақдирнинг ўйинини қарангки, бугун ўша Аваз занжирбанд бўлиб, олдида турибди. — С. Сиёев, Аваз

Арк устида хон Бобо билан Ҳусайн пайдо бўлади ва шундан кейин Тоҳирни ясовуллар занжирбанд олиб кирадилар. — С. Абдулла, Тоҳир ва Зуҳра

фл. Занжирни зулфинга илиб беркитмоқ (эшикни, дарвозани).

[Ҳасанали] Ўрнини меҳмонхонага ёзиб, дарвозани занжирлаб келди. — А. Қодирий, Ўтган кунлар

фл. Занжирламоқ феълининг мажҳул нисбати.

фл. Занжирламоқ феълининг орттирма нисбати.

Велосипед узатмалар қутисидаги занжирни бир занжирдан бошқасига ўтказадиган қурилма

— шундай реаксияки, бу реаксияни юзага келтирувчи зарра (нейтрон)лар шу реаксия маҳсулоти сифатида ҳосил бўлади. Уран ядросининг бўлинишида (уран ядроси нейтрон билан бомбардимон қилинганда) икки-уч нейтрон ажралади. Уларнинг ихтиёрий биттаси ўз навбатида қўшни ядрони парчалайди ва бу ядро ҳам яна қўшни ядрони парчалаши мумкин бўлган нейтронларни чиқаради. Натижада бўлинаётган ядролар сони кескин ортиб кетади. Занжир реаксия юзага келади. Занжир реаксия давом этиши учун ураннинг муайян массасида ажралиб чиқаётган нейтронларнинг ўртача сони вақт ўтиши билан камаймаслиги керак. Бу шарт нейтронларнинг кўпайиши коеффициенти К бирдан катта ёки бирга тенг бўлса, бажарилади.Цепная ядерная реакция — это такая реакция, в которой частицы, вызывающие её (нейтроны) образуются как продукты этой реакции. При делении ядра урана (бомбардировки ядра урана) нейтроном освобождаются два-три нейтрона. Любой из этих нейтронов может в свою очередь вызвать деление соседнего ядра, которое также испускает нейтроны, способные вызвать дальнейшее деление. В результате число делящихся ядер очень быстро увеличивается. Возникает цепная реакция. Для течения цепной реакции необходимо, чтобы среднее число освобождённых нейтронов в данной массе урана не уменьшалось с течением времени. Это условие будет выполнено, если коэффициент размножения нейтронов К больше или равен единице.