Поиск

ot Arab tilida qisqa a unlisini anglatadigan, harf ustiga qoʻyiladigan diakritik belgi; arabcha nomi — fatha.

Beklar otga solar oltin egardi, Yoshlikdan oʻqigan alif, zabardi. — Oysuluv

sft. 1. min. Shaffof sargʻish-yashil qimmatbaho tosh.

U [Sulton] tabassumini yashirolmay, ichi barqut bilan sirilgan qutilardagi gavhar, zabarjad, yoqut toshlarni oldiga surib qoʻydi. — M. Osim, Karvon yoʻllarida

Katta sandiq yal-yal yongan olmos, zabarjad va yana qandaydir nafis tovlangan qimmatbaho toshlar bilan limmo-lim edi. — O. Yoqubov, Ulugʻbek xazinasi

2. Shunday tosh oʻrnatilgan (taqinchoq yoki buyum).

Zabarjad zirak.

3. Zabarjad (xotin-qizlar ismi).

sft. 1. Jismoniy jihatdan baquvvat, kuchli; qudratli.

Zabardast yigit.

Ikki zabardast pahlavon oʻrtada bel tutishib ketdilar. — M. Muhammadjonov, Turmush urinishlari

Bizning dovyurak, ja-sur, zabardast askarlar ikki kungacha dushmanni oldinga siljitishmadi. — T. Rustamov, Mangu jasorat

Zabardast qoʻllar tobutni azot koʻtarib, keng yelkalarga oldilar. — Yoshlik

2. koʻchma Yetuk, oʻtkir, taniqli.

Xullas, Pavel Ivanovich Petrovskiy maktab yaratgan zabardast olim boʻlib, uning bilan hisoblashmaydiganlar kamdan-kam topilardi. — S. Karomatov, Oltin qum

Sattorxon toʻra ham dindor, ham zabardast ulamo, qilni qirq yoradigan mullo edilar. — K. Yashin, Hamza

Uch buyuk zabardast shoir sukutda edi. — Shukrullo, Javohirlar sandigʻi

3. Ogʻir, katta, zalvorli.

Bundan yigir-ma uch yil avval Matqovul oʻzining zabardast ketmoni bilan Saltonbuning toʻrt tanob yerini toʻrt kun deganda agʻdarib chiqdi. — M. Ismoiliy, Fargʻona tong otguncha

Yer ishi ogʻir, oʻzingiz yaxshi bilasiz, ogʻizning yeli bilan bitmaydi. Zabardast ketmonni piyoz poʻstiday qilib qoʻyadi paxta ishi. — S. Nurov, Narvon

ot Pahlavonlik, qudratlilik, kuchlilik; ogʻirlik, kattalik.

Dostonda Alpomish changallasa, togʻni talqon qiladi, deb tasvirlanadi. Bu Alpomishning mubolagʻali tasviri boʻlib, uning azamatligi va zabardastligini anglatadi. — Vatan adabiyoti

ot Arab yozuvida unlilarni ifodalash uchun undosh harfning osti va ustiga qoʻyiladigan diakritik belgilar.

Mullalar oʻqiydi zer-u zabarni, Ustalar ishlatar tesha, tabarni. — Xushkeldi

ot Gullari oq koʻp yillik ildizpoyali oʻt.

ot Nayza tutgan, nayza bilan qurollangan askar.

Nayzabardor otliqlarning hamlasi Shaharlardan esib oʻtdi yel kabi, Piyodalar toʻlqinlanib bosardi, Chopar edi yovga qarshi sel kabi. — M. Shayxzoda

n tar. lance-bearer, spearman