Hayot Foundation лойиҳаси
Лойиҳа ҳақида
Ўз
Ўз

Қидирув

«хит» бўйича 47 та натижа

Филтр
Бўлим
Луғатлар Эртаклар Шевалар
Луғат тури
Изоҳли Таржима Терминологик
Тилдан
Ўзбекча Русча Инглизча Қорақалпоқча
Тилга
Ўзбекча Русча Инглизча Қорақалпоқча Немисча Франсузча Арабча Қозоқча Туркманча Туркча

← Барча натижалар

Луғат мақолалари

47 та · 1-саҳифа / 3
хит
Изоҳли луғат · яна 4 та луғатда

от Тажанг, асабий; бўғилган.

Мен, дарвозани ёпиб, ичкарига кирдим. Негадир хит эдим. — Ш. Холмирзаев, Оғир тош кўчса

  • Кўнгли хит Таъби хира, кўнгли ғаш. — Кўнглим хит бўлиб, диванга ёнбошладим, — деди Учқун. — О. Ёқубов, Бир фелетон қиссаси
  • Хит бўлмоқ Асабийлашмоқ. Рустам бобо ҳалидан буён суҳбатга аралашолмагани учун, баҳона тополмаганидан, хит бўлиб турганди. — Х. Тўхтабоев, Йиллар ва ёʻллар
  • Хит қилмоқ Юракни сиқмоқ, асабийлаштирмоқ. Босим ўтириб, хатларга жавоб ёзавериш одамни хит қилиб юборади. — Ф. Мусажонов, Ҳиммат[Шум бола:] Хўжайин, дейман, ўзингиз ҳам жуда хит қилиб юборар экансиз-да! — Ғ. Ғулом, Шум бола
Тўлиқ мақола →
хитоб
Изоҳли луғат · яна 6 та луғатда

от Кучли ҳис-туйғу, ҳаяжонни, истакни ифодаловчи жумла; чақириқ.

Оломон яна гув этиб, “Балли, азамат!“, Умринг узоқ бўлсин, болам! деган хитоблар эшитилди. — О. Ёқубов, Эр бошига иш тушса

  • Хитоб қилмоқ (ёки этмоқ) Кучли ҳис-ҳаяжон билан қичқирмоқ, бировга мурожаат қилмоқ. — Ҳурматли жаноблар! — деди у хитоб қилиб. — К. Яшин, Ҳамза
Тўлиқ мақола →
хитой
Изоҳли луғат · яна 4 та луғатда

от

Хитой тили. Хитой аёл.

Бу паҳлавон Искандар илтифотига ноил бўлган хитой гўзали бўлиб чиқади. — Т. Жалолов, Хамса талқинлари

Хитойга, хитойларга хос; Хитойда ишланган.

Хитой маданияти. Хитой вазаси.

Эшон ая хитой лаганда қовурма олиб кирди. — С. Аҳмад, Ҳукм

безак учун у ерга, бу ерга қўйилган хитой вазаларини латта билан яхшилаб артди. — Ойбек, Танланган асарлар

  • Хитой девори 1. Хитойни Мўғулистондан ажратиб турган қадимий девор; Садди Чиний. Ана, катта қўрғон. Унинг уч томонидаги баланд деворлар Зиёдиллага Искандарномада таърифланган хитой деворига ўхшаб кўринди. — Ҳ. Ғулом, МашъалШундан кейин бу икки дўст ўртасида хитой девори пайдо бўлди. — Ёшлик
  • Хитой ловия
  • Хитой қоғоз Эрталаб кичкина хитой қоғозга ёзилган хатни олиб, Серёжа Астахов орқасига қайтди. — А. Раҳмат, Соқов бола
Тўлиқ мақола →
хитойи

от Хитой мамлакати ва хитойларга оид; Хитойда тайёрланган.

Хитойи шоҳи.

Отабек шошиб, токчадаги хитойи норин товоқни олди. — А. Қодирий, Ўтган кунлар

Беклар, вазирлар кимхобларга, хитойи шоҳига беланиб [подшоҳ] ёнига киришди. — Ойбек, Навоий

Тўлиқ мақола →
хитобан

рвш. Мурожаат қилиб, мурожаат тарзида.

— Жанобнинг амрлари билан, — деди Анвар уларга хитобан, — энг оғир ва жавобгарлик бир хизматни ўз устимга олишга мажбур бўлдим. — А. Қодирий, Меҳробдан чаён

[Навоий] Шунинг учун лирик бир чекиниш билан соқийга хитобан айтади — Т. Жалолов, Хамса талқинлари

Тўлиқ мақола →
хитойшунос
Изоҳли луғат · яна 1 та луғатда

от Хитой тили, адабиёти, иқтисодиёти, сиёсати, фалсафаси, маданияти ва тарихи билан шуғулланувчи мутахассис; синолог.

Хитойшунос олим.

Тўлиқ мақола →
рахит
Изоҳли луғат · яна 2 та луғатда

от Ёш, эмизикли болалар организмида Д витамини етишмаслигидан минерал моддалар алмашинувининг бузилиши натижасида юзага келадиган ва суяк ҳосил бўлиш жараёнининг ҳамда нерв системаси функсияларининг бузилиши билан кечадиган касаллик.

Остеопороз, рахит каби касалликлар сифациз овқат истеъмол қилинганидан дарак беради. — Фан ва турмуш

Тўлиқ мақола →
бархит
Изоҳли луғат · яна 2 та луғатда

от 1. Духоба, бахмал.

Мошранг бархит.

2. сфт. Бархитдан, бахмалдан тайёрланган.

Мунисхон қора бархит палтосининг ёқасини бошигача кўтарган бировни кутган вазиятда турар эди. — А. Қаҳҳор, Сароб

Пошшахола янги қора бархит камзулининг ички чўнтагига алланималарни шошиб-пишиб тиқди. — Д. Нурий, Осмон устуни

Тўлиқ мақола →