Hayot Foundation loyihasi
Loyiha haqida
Oʻz
Oʻz

Qidiruv

«xavotir» boʻyicha 10 ta natija

Filtr
Boʻlim
Lugʻatlar Ertaklar Shevalar
Lugʻat turi
Izohli Tarjima Terminologik
Tildan
Oʻzbekcha Ruscha Inglizcha
Tilga
Oʻzbekcha Ruscha Inglizcha Qoraqalpoqcha Nemischa Fransuzcha Arabcha Turkcha

← Barcha natijalar

Lugʻat maqolalari

10 ta
xavotir
Izohli lugʻat · yana 6 ta lugʻatda

ot Biror kimsa, narsa yoki biror ish, hodisa haqida tashvishlanish, hadiksirash.

Kelmaganingizdan xavotirda edim.

bir oyogʻi choʻloq xomsemiz Eminhoji tegirmonchi xavotirda atrofga jalanglab turardi. — T. Ashurov, Marvarid tut

Haydar boshini koʻtardi, Kozimga xavotir aralash sinchkov boqdi. — E. Usmonov, Yolqin

  • Xavotir boʻlmoq (yoki olmoq) Ishlaganlarning haqini oʻzimiz toʻlaymiz, xavotir boʻlmanglar. — Mirmuhsin, MeʼmorYigitlar undan [Inomjondan] xavotir olib, ancha vaqtgacha uxlamay kutib oʻtirishdi. — S. Ahmad, Moʻtti
  • Xavotir qilmoq 1. Tashvishlantirmoq. — Jon bolam, — dedi [Xadicha xola] hovlining oʻrtasida turib, — xat yuborgin, bizni xavotir qilma;Shuncha odam orasida har qaysisi oʻzidan xavotir qilmay, bir-birining sirini ochib tashlayotipti. — A. Qahhor, Ogʻaynilar
  • Xavotirga solmoq Tashvishlantirmoq. Uni yana bir narsa xavotirga solib qoʻygan edi. — Oʻ. Umarbekov, Odam boʻlish qiyin
  • Xavotirga tushmoq Biror kimsadan, narsadan tashvishlanmoq, hadiksiramoq. Zargarov Ziyodaning hayotini bilgan sari, xavotirga tushar edi. — A. Muxtor, Boʻronlarda bordek halovat
Toʻliq maqola →
xavotirli
Izohli lugʻat · yana 3 ta lugʻatda

sft. 1. Xavfli, qoʻrqinchli; xatarli.

Xavotirli ish. Xavotirli tun.

Vodiydagi ahvol xavotirli edi. — T. Malik, Qaldirgʻoch

2. koʻchma Tashvishli.

Uch-toʻrt qadam yurgandan keyin Talʼat xavotirli ohangda gapirdi: — Qarang, Gavhar, havoni bulut oʻrayapti. Odamlarga jabr boʻladi-da. Paxtaga ham. — Oʻ. Hoshimov, Qalbingga quloq sol

Toʻliq maqola →
xavotirlik
Izohli lugʻat · yana 2 ta lugʻatda

ot Qoʻrquv, hadik; tashvish, sarosima.

— Nima gap, quda? — Ochil buva oʻrnidan turib, Anziratga xavotirlik bilan qaradi. — A. Muxtor, Chinor

Qorakoʻz begimning katta-katta koʻzlari xavotirlik tuygʻusidan yana ham ulkanlashib ketdi. — P. Qodirov, Yulduzli tunlar

Toʻliq maqola →
xavotirlanmoq
Izohli lugʻat · yana 5 ta lugʻatda

fl. 1. Tashvishga tushmoq, tashvishlanmoq;

Xosiyat xola qizidan xavotirlanib, eshik tomon borgach, koʻchaga tikildi. — R. Fayziy, Choʻlga bahor keldi

2. Biror narsadan xavfsiramoq, choʻchimoq, qoʻrqmoq.

Temirjon xavotirlandi. Qarshisidagi yigitdan koʻzini uzmay, ortga bir qadam tisarildi. — J. Abdullaxonov, Oriyat

Toʻliq maqola →
xavotir boʻlmoq

ЧК ruschaбеспокоиться за ВПinglizchato be anxious about smb.nemischasich bangen um A

Ona oʻz oʻgʻlidan (kimdan?) xavotirlandi.

Мать беспокоилась за своего сына (за кого?).

The mother is anxious about her son (whom...about?).

Die Mutter bangte sich um ihren Sohn (um wen?).

Toʻliq maqola →
bexavotir
Izohli lugʻat · yana 4 ta lugʻatda

rvsh. Hech xavotirlanmasa ham boʻladigan; shubhalanishga oʻrin boʻlmagan, xotirjam, tinch.

Bexavotir joy. Bexavotir uxlamoq. Toʻgʻri boʻling, bexavotir boʻlasiz. — Maqol

U yer issiqroq, bexavotirroqmikan deyman. — Oybek, Tanlangan asarlar

Toʻliq maqola →
bexavotirlik
Izohli lugʻat · yana 1 ta lugʻatda

ot Osoyishtalik, xotirjamlik; oʻzini tutib olganlik.

Choʻloq turnachaning qaltirashi bosilgan, uning vujudiga bir bexavotirlik va ishonch kirgan edi. — Sh. Xolmirzayev, Bodom qishda gulladi

Toʻliq maqola →