Қидирув

от 1. Тетик, бардам ҳолатга эгалик.

Унинг [Асрорқулнинг] тетиклиги, шахдам қадам ташлаши, ёш болага чиққан соқолдай, кишининг кулгисини қистатар эди. — А. Қаҳҳор, Асрор бобо

2. Куч-қувватга тўла, тетик, бардам кишиларга хос жисмоний ва руҳий ҳолат; бардамлик.

Йигитали ачасининг дардни енгиб, туриб кетишидан ранжиса ҳам, юзидаги тетикликдан хурсанд бўлди. — Д. Нурий, Осмон устуни

У кўзини очиб, ўзини тетикликка солди ва Каримжон билан самимий кўришди. — Ғайратий, Узоқдаги ёр

сфт. 1. Жисмоний, руҳий жиҳатдан заифлашмаган; бардам.

Онам етмишдан ошиб қолган бўлсалар ҳам, ҳали анча тетиклар — М. Қориев, Ойдин кечалар

Иброҳим ота бардамми, Ойша хола тетикми, уканг Шерниёз соғми? — Ж. Шарипов, Хоразм

Оғайнилар тушкунликка тушмадилар. Қувноқ ва тетик кайфиятда хайрлашдилар. — Ф. Мусажонов, Ҳиммат

2. Ҳаракат-ҳолати, даражаси ва шу кабилар жиҳатдан бардам, тийрак.

Темиржон одамлар қатори кўпайган тротуарда илдам ва тетик қадам отиб борарди. — Ж. Абдуллахонов, Орият

Азиза ўзини бир оз олдирган, аммо ҳамон ўшандай чиройли, кўзлари киртайиб қолган бўлса ҳам, тетик боқар эди. — Ў. Ҳошимов, Қалбингга қулоқ сол

Сойлик томондан келаётган тетик ва янгроқ овоз Элмуроднинг ўйини бузди. — Шуҳрат, Шинелли йиллар

3. кўчма Ҳайиқишни билмайдиган, дадил гапирадиган, ўз фикрини баралла айта оладиган.

Қандолат опага не бало бўлди, дейман, ҳайрон бўламан. Гапга чаққон, тетик хотин эди-ку! — Ойдин, Садағанг бўлай, командир

Поччаев, қурилишга бирон фикри тетикроқ бола келиб қолса, дарров изига тушади. — А. Мухтор, Туғилиш

фл. кам қўлл. Тетиклик бағишламоқ, тетиклантирмоқ; ҳушёр қилмоқ.

Подшонинг, гарчи мастлик вақтида бўлса-да, у билан аччиқ суҳбат қилиши Маждиддинни тетиклади. — Ойбек, Навоий

фл. Тетикламоқ феълининг мажҳул нисбати.

фл. Тетиклик касб этмоқ, тетик бўлмоқ.

Унинг руҳи тетиклашди.

Раҳимберди бир оз тетиклашди. — Х. Тўхтабоев, Фелетондан сўнг

У сал тетиклашиб, ташқарига чиқди. — С. Ёʻлдошев, Қиз қалби

фл. Тетикланмоқ феълининг орттирма нисбати.

фл. Тетиклашмоқ феълининг орттирма нисбати.