Қидирув

сфт. 1. Ер сатҳидан баланд, дўнг жой; тепалик, баландлик.

Ҳадемай ўнг томондаги тепалар, ундан наридаги тик қоялар устида офтоб порлайди. — Мирмуҳсин, Меъмор

Суюн оға гаранг, дардли, оч ҳолда тепа устига чиққач, яна боягидек, орқа-олдига қаради. — Н. Фозилов, Дийдор

Шу тепалар нишабида камарлар бор. — Т. Мурод, От кишнаган оқшом

2. Умуман, бирор жой, маконга нисбатан юқоридаги жой, ер.

Тепадан қараган кишига бу ариқча илон изидек эгилиб, букилиб, ўзининг ўқида айланаётганга ўхшаб кўринар эди. — И. Раҳим, Чин муҳаббат

Нигора у ёқ-бу ёққа қаради: юқорида Қашқатов, пастда қалин арчазор, ўнг ва сўлда тепа — С. Анорбоев, Оқсой

3. Бирор нарсанинг юқори қисми, усти.

Аризанинг тепасига имзо қўймоқ. Дарахтнинг тепасида бир қуш ўтирибди. Қабр тепасини майса қоплаган.

Ташаккур, устод! Агар энг баланд минора тепасига ғишт қўйсин, десангиз ҳам биз рози. — Мирмуҳсин, Меъмор

4. Кўп миқдорда уйилган нарсалардан ҳосил бўлган баландлик, дўнглик.

Гўнг тепа. Кул тепа. Қум тепа.

Бу тупроқ тепа уч кишининг қабри бўлиб чиқди. — А. Қаҳҳор, Олтин юлдуз

Уч-тўрт юз инсон бошидан турғизилган бир тепа! — А. Қодирий, Ўтган кунлар

5. Киши устидаги бўшлиқ, осмон, фалак; юқори.

Самолёт тик тепага кўтарилди. Ку-ёш қоқ тепага келди.

Тепадан офтоб уриб турибди. — С. Аҳмад, Томоша

У ўз овозидан уйғониб кетиб, кўзини очганида, тепада ой сузар, ҳамма ёқ жимжит — Мирмуҳсин, Меъмор

6. Нисбатан юқори қисмда бўлган, жойлашган; устки.

Ўроз тепадаги қозиқдан дўмбирасини олди — Ойбек, Танланган асарлар

[Толнинг] Тепа шохига қурувчилар прожектор ўрнатишган экан, ҳозир атрофни сутдай ёритиб, кўзни қамаштиради. — Ў. Усмонов, Сирли соҳил

Устки қатордаги сўйлоқ тишларидан иккитаси тепа лабини ёриб чиққанини кўрган киши ўқчиб юборарди. — М. Исмоилий, Фарғона тонг отгунча

7. археол. Пахсадан ишланган қадимий иншоотларнинг харобалари ва уларни тўлдирган маданий қатламлардан ҳосил бўлган дўнглик.

8. 3-шахс эгалик ва жўналиш, ўрин-пайт, чиқиш келишиклари аффикслари билан кўмакчи вазифасида қўлланади ва макон муносабатини ифодалайди.

Адолат ухлаётган жувоннинг тепасига борди. — И. Раҳим, Чин муҳаббат

Ботирали Ойшабонуни бир қўли билан четга сурди-да, бойнинг тепасига энгашиб, кўрпани очди. — Ҳ. Ғулом, Машъал

Ўтган куни шу икки йигитни қозон тепасида эт олаётганларида кўрган эдилар. — Мирмуҳсин, Меъмор

Кейин, пиёлани бутилкага уриб, тепасида парвона бўлиб турган хотинига ўшқира кетди — Муштум

Тепамдан вағиллаб самолёт учиб ўтди. — Ҳ. Назир, Ёнар дарё

forces in power

арабчаالى الفوق, Илал фавкрусчаВверхинглизчаUp, upwards

сфт. айн. Тепонғич.

Тепағон от.

Бу ўлгудек қайсар, тепағон эгасини ҳам танимайдиган, калтак ўтмас эшак эди. — С. Юнусов, Кутилмаган хазина

сфт. Бошининг тепа қисмидаги сочи тўкилиб кетган, силлиқ.

Тепакал одам.

Терговчи ёш бўлса ҳам, сочлари тўкилиб, тепакал бўлиб қолган, тирноқларигача заҳар бир одам экан. — О. Ёқубов, Излайман

Лафзий дивандан шиддат билан туриб, дастрўмолини тепакал бошига ёпди-да, лапанглаганича бориб, буфетни очди. — Э. Носиров, Мускат

от Нисбатан катта ва баланд жой; баландлик, дўнг, тепа.

Тепаликка чиқмоқ. Тепаликни эгалламоқ.

Узоқдаги тоғлар ва тепаликлар тусларини ёʻқотиб, то-бора қуюлаётган тун қучоғига сингиб бормоқда. — П. Турсун, Ўқитувчи

Баланд тепалик устига қурилган Ахси қалъаси тун оғушида тоғ қоясига ўхшаб қорайиб кўринади. — П. Қодиров, Юлдузли тунлар

фл. 1. Ҳавога, осмонга кўтарилмоқ, баландламоқ.

Ракета тепалаб кетди. Қуш тепалаб учди. Снаряд тепалаб ўтди.

2. кам қўлл. Нарсаларни бир ерга тўплаб, баландлик ҳосил этмоқ.

Кўлида тепалаб жазиллама қайноқ сомса уйилган лаганни кўтариб, оқсоч кирди. — Ойбек, Улуғ ёʻл

фл. Тепаламоқ феълининг мажҳул нисбати.

фл. Тепаламоқ феълининг орттирма нисбати.