ot 1. Ish-harakat, tadbir-chora va shu kabilarning amalga oshuvida rioya qilinadigan maʼlum izchillik, reja, qonun-qoida va shu qonun-qoidalarga javob beradigan holat.
Pensiya belgilash tartibi. Ovoz berish tartibi. Yangicha toʻy tartibi.
[Zargarov:] Majlisda tartib boʻlishi kerak! [Poʻlatjon domla:] Bugungi majlisning tartibi shunaqa. — A. Qahhor, Ogʻriq tishlar
Oyimxon stolni taqillatib, Tojiboyni tartibga chaqirdi. — P. Tursun, Oʻqituvchi
2. Narsalarning joylashuvi va shu kabilar jihatdan mutanosiblik boʻlishi, meʼyoriy holat.
Hovlilarga tartib bilan meva daraxtlari ekilgan. — S. Siyoyev, Yorugʻlik
Yaqindagina keltirilgan vagonchalarda tartib oʻrnatildi. — Sh. Rashidov, Boʻrondan kuchli
Uydagi tartib va ozodalik uning bahrini ochib yuborgan edi. — S. Zunnunova, Yangi direktor
3. Shaxs yoki narsalarning oʻrinlashish tizimida qoʻllangan yoʻl; sira.
Pochtaxona orqaga qiyaroq oʻrnatilgan gazeta vitrinasidan iborat boʻlib, unga alifbo tartibida yashiklar oʻrnatilgan. — A. Qahhor, Qoʻshchinor chiroqlari
4. Yoʻl-yoʻriq, usul, yoʻsin.
xon qoʻshinlarning shaharga kirish va joylashish tartibini oldindan oʻylab qoʻygan edi. — P. Qodirov, Yulduzli tunlar
- Kun tartibi 1. Majlisda muhokamaga qoʻyiladigan masalalar. Majlisni Ibrohimov ochdi va kun tartibini eʼlon qildi. — A. Qahhor, Qoʻshchinor chiroqlariMen bu bilan damba masalasini kun tartibidan chiqarib tashlash kerak, demoqchi emasman. — A. Qahhor, Qoʻshchinor chiroqlari
- Tartibga solmoq Tartibli holga keltirmoq. sochlarini tartibga soldi-yu, oʻrnidan turib, shohi atlas koʻrpa-koʻrpachalar toʻla taxmonga bordi. — K. Yashin, HamzaStolni tartibga solayotgan Nargizaga koʻmaklashdi. — Oʻ. Hoshimov, Qalbingga quloq sol
- Tartib bermoq (yoki qilmoq) Tuzmoq. [Mashhadiy] Tunlarni uyqusiz kechirib, Devon ham tartib qilgan. — Oybek, Navoiy
- Tartib son