Qidiruv

sft. 1. Biror usul bilan tabiiyga oʻxshatib yasalgan, tayyorlangan, yuzaga keltirilgan.

Sunʼiy kauchuk. Sunʼiy tola. Sunʼiy buyrak. Yerning sunʼiy yoʻldoshi.

Endilikda jahondagi eng yirik stadionlardagi yugurish yoʻlkalari sunʼiy toʻshamalar bilan ishlanmoqda. — Fan va turmush

Kotibaning koʻkka boʻyalgan qovoqlari, har biri tikanday ajralib turgan sunʼiy kipriklari pirpiradi. — S. Nurov, Maysalarni ayoz urmaydi

2. Tabiiy boʻlmagan yoʻl bilan amalga oshiriladigan; notabiiy.

Sunʼiy yoritish. Sunʼiy sugʻorish.

Uni darhol deraza yoniga yaqinroq keltirishib, sunʼiy nafas oldirishdi. — Yoshlik

Sunʼiy ishlov berilgan, ayollar ziynati hisoblangan olmos brilliant deb ataladi. — Fan va turmush

3. koʻchma Yasama, soxta, yolgʻondakam; nosamimiy.

Sunʼiy tabassum. Sunʼiy xotirjamlik.

Kuyov oldin manzirat qilib koʻrdi. Lekin soʻzlari ancha sunʼiy chiqayotganini oʻzi ham sezdi shekilli, minnatdorchilik bildirib qoʻya qoldi. — S. Anorboyev, Oqsoy

Ochil oʻzini vazmin tutib, tabiiy muomala qilgan sari, Zamira oʻngʻaysizlanar, sunʼiy ravishda bosiq boʻlishga urinardi. — P. Qodirov, Uch ildiz

ot Yasamalik, soxtalik, tabiiy emaslik.

Materialning tabiiyligi yoki sunʼiyligini aniqlamoq.

Kulgining sunʼiyligi.

Iltifot koʻrsatish meʼyoridan oshsa, bachkanalik yoki sunʼiylikka oʻxshab qoladi. — Gazetadan

ингл:рус: Foydalanish uchun qoidalari qatʼiy belgilangan til.inglizchaartificial languageruschaискусственный язык

fl. Sunʼiy holga oʻtmoq, tabiiyligini yoʻqotmoq.

1. Kompyuterlar haqidagi fan sohasi. Bu soha modellash va odatda inson tafakkurini eslatuvchi fikrlash va oʻrganish kabi vazifalarni bajarish tizimlari bilan bogʻliq.inglizchaartificial intelligenceruschaискусственный интеллект

2. Informatika sohasi. U avtomatlashtirilgan tizimlar yordamida inson tafakkurining alohida vazifalarini haqqoniy tahlil qilish usullari va vositalarini ilmiy tadqiq qilish va ishlab chiqish bilan shugʻullanadi. Sunʼiy tafakkur doirasida rasmiy algoritmlar boʻlmagan vazifalarni bajarishning uslublari, dasturiy va texnik vositalari yaratiladi: siymolarni tanish, tabiiy til va nutqni tushunish, oʻquvchi qobiliyatlariga koʻra oʻrgatish, tashxislar qoʻyish, teoremalarni isbotlash va h.k.

3. Avtomatik va avtomatlashtirilgan tizimlarning inson tafakkurining alohida vazifalarini bajarish xususiyati, masalan, oldin olingan tajriba va tashqi taʼsirlar tahlili asosida optimal qarorlarni tanlash va qabul qilish.

fl. Sunʼiylashmoq feʼlining orttirma nisbati.

tabiiy nafas olish buzilganda yoki qasddan toʻxtatilganda nafas yoʻllariga sunʼiy ravishda havo yoki kislorod kiritish. Oʻ.s.r.h.k. maxsus apparatlar yoki qoʻl yordamida amalga oshiriladi. Birinchi tibbiy yordam koʻrsatish vaqtida qoʻllaniladigan Oʻ.s.r.h.k. ning eng oddiy usuli yordam beruvchining ogʻzidan jabrlanuvchining ogʻzi («ogʻizdan ogʻizga») yoki burni («ogʻizdan burunga») orqali oʻpkasiga havo kiritish hisoblanadi.