Qidiruv

fl. ayn. Siypalamoq.

fl. ayn. Sirpanmoq.

fl. 1. Silamoq, silab erkalamoq.

Men uning uzun, nozik barmoqlariga qaradim-u: Nasib qilsa, bir kuni mana shu barmoqlarni siypalab, tilla uzuk taqaman, deb qoʻydim ichimda. — S. Siyoyev, Yorugʻlik

2. Ushlab, silab koʻrmoq, silab tekshirmoq, paypaslamoq.

Davlatyorni chamadonning yaltiroq jezlari juda qiziqtirdi. Ularni qoʻllari bilan siypalab koʻrib: — Bu papkani hukumat berganmi yo sotib olganmisiz? — deb soʻradi. — P. Tursun, Oʻqituvchi

3. koʻchma ayn. Siypamoq 2 (shabada, shamol haqida).

Koʻm-koʻk oʻtzorlar ichidan yoqimli shabada esdi-yu, qiz bilan yigitning yuzlarini siypaladi. — Sh. Rashidov, Qudratli toʻlqin

Bahor shabadasi yuzni siypalab, koʻkatlarning hidini dimogʻga uradi. — H. Nuʼmon, Fasllar

4. koʻchma Yashirishga, yumshatishga, bildirmaslikka urinmoq; xaspoʻshlamoq.

Xurshidaning iljayib, siypalab gapirishida qandaydir sir bor edi. — D. Nuriy, Osmon ustuni

fl. Siypamoq feʼlining birgalik nisbati.

fl. Siypalamoq feʼlining majhul nisbati.

fl. Siypalamoq feʼlining orttirma nisbati.

fl. Siypalamoq feʼlining birgalik nisbati.

rvsh.

Bir hayoli uning yoniga borgisi, tizza-si ustida turgan qoʻlini silab-siypab, kechirim soʻragisi keldi. — Yoshlik

Oshpaz qadrdonining qoqsuyak yelkalarini silab-siypab koʻrishar ekan: — Ranjitganim uchun kechir, bu gal mandan oʻtdi, oʻrtoq, — dedi ovozi qaltirabroq. — Yoshlik

2. Silliqlab, pardoz-andoz qilib, u yoq-bu yogʻini toʻgʻrilab.

— Kiyimlarimni kiyib, oʻzimni silab-siypab binoyiday boʻlib, bozor tomon joʻnadim, — dedi Shum bola. — Gʻ. Gʻulom, Shum bola

3. koʻchma Yengil, ohista tegib, ufurib.

Yengilgina shoʻx yellar, Qanot silkib uchadi. Silab-siypab yuzlarimni, Boʻsharimdan quchadi. — T. Toʻla.

4. Silab va siypab, erkalatib, ardoqlab.

Bolani silab-siypab erkalatmoq.

5. Aldab-suldab, yoʻlini qilib.

Material yoʻq. Hatto muhtaram sayyoh uchun ham material topolmay, juma kuni keling, deb silab-siypab joʻnatganimni koʻrdingiz-ku! — B. Rahmonov, Yurak sirlari