«sihatlik» boʻyicha 10 ta natija
ot Tan-joni sogʻlik, salomatlik.
Sihatlik tilamoq.
Nigora qadam bosgan choʻponlarning chaylalariga u bilan birga shodlik, sihatlik kirib boradi. — S. Anorboyev, Oqsoy
ot Tan sogʻligi, sogʻlik, sogʻlomlik.
Sihatingiz yaxshimi? Tan-joningiz sihatmi? Sihat tilasang — koʻp yema, izzat tilasang — koʻp dema. — Maqol
Seryomgʻir, rutubatli Mozandaron Ibn Sinoning sihatiga futur yetkazgan, quvvatdan ketkazgan edi. — M. Osim, Ibn Sino qissasi
Sihati bugun xiyla durust, lekin avvalgi kunlardagi kabi ruhiyatiga ezgʻin bir titroq solib, quloqlari ostida betinim dengiz shovqini-yu oʻtakasi yorilgan odamlarning ohu faryodlari toʻxtovsiz eshitilmoqda. — N. Qilichev, Chigʻiriq
ot Bemorlar yotib davolanadigan maxsus profilaktik davolash muassasasi; sanatoriy.
Yurtimizda ham shunday goʻshalar mavjud boʻlib, ulardan biri Toshkent viloyatining Qibray tumanidagi Botanika sihatgohidir. — Guliston
Biz dam olayotgan sihatgoh togʻli hududda joylashgan. — Sharq yulduzi
sft. kam qoʻll. Sihati, sogʻligʻi yomon; kasalmand, kasal.
Sihatsiz odam. Sihatsiz boʻlib qolmoq.
fl. Kasaldan yaxshi boʻlib turmoq, tuzalmoq.
Bir oy kasalxonada yotib sihatlanib ketdim.
ot Xastalik, bemorlik.
ot ayn. Tansogʻlik.
Shu bilan birga, sizlarga uzoq umr, tansihatlik, oʻqishda gʻayrat tilab qolaman. — P. Tursun, Oʻqituvchi
sft. Sogʻ-salomat, eson-omon.
Qalay, sihat-salomat yuribsizmi?
Maʼsuma beka pishirgan ovqatlardan shogirdlar qatori u ham tanovul etib: — Saxovatli Meʼmor hazratlarining umrlari uzoq boʻlib, doimo sihat-salomat boʻlsinlar, — deb duo qilardi. — Mirmuhsin, Meʼmor
Ming shukurkim, kelding bugun sihat-salomat, shodman. — Hamza
ot Sogʻ-salomatlik, eson-omonlik.
Asosan ustodning sihat-salomatligi, oʻz ahvoli hamda ismini ochiq zikr etib boʻlmaydigan bir kishi haqida ham gap ketardi. — Mirmuhsin, Meʼmor
Umr lazzati esa sihat-salomatlik bilan bogʻliq ekanini hammamiz bilamiz, shunday ekan, uni juda qadrlashimiz kerak. — Gazetadan
«Год здоровья» (2005 г.)
