ot 1. Biror narsa-buyumning, joyning ustki, yuza tomoni; yuz, yuza, bet.
Yer sathi. Hovli sathi.
Oy sathiga qadam qoʻygan dastlabki inson amerikalik astronavt Nil Armstrong edi. — Fan va turmush
Parom parchalari, kuraklari, taxta va rezinalar suv sathida suzib yurardi. — I. Rahim, Chin muhabbat
2. Balandliklarni oʻlchashda asos qilib olingan boshlangʻich yuza, saviya.
Dengiz sathidan ming metr baland joy.
Tomchilatib sugʻorishda bogʻ sathidan maʼlum darajada balandroq yerda hovuz qaziladi. — Fan va turmush
Bu yoqdagi ungur soy sathidan bir quloch past qazilayotgan edi. — M. Ismoiliy, Fargʻona tong otguncha
3. ayn. Yuz I 8.
Kvadratning sathi. Doiraning sathi. Sath oʻlchovlari.