Hayot Foundation loyihasi
Loyiha haqida
Oʻz
Oʻz

Qidiruv

«saranjom» boʻyicha 8 ta natija

Filtr
Boʻlim
Lugʻatlar Ertaklar Shevalar
Lugʻat turi
Izohli Tarjima Terminologik
Tildan
Oʻzbekcha Ruscha Inglizcha
Tilga
Oʻzbekcha Ruscha Inglizcha Qoraqalpoqcha Nemischa Fransuzcha Arabcha Turkcha

← Barcha natijalar

Lugʻat maqolalari

8 ta
saranjom
Izohli lugʻat · yana 5 ta lugʻatda

sft. 1. Hamma ishni tartib bilan, joy-joyiga qoʻyib bajaradigan, tartiblilikni xush koʻradigan, uy-roʻzgʻorini, asbob-anjomini batartib tutadigan, sarishta.

Saranjom ayol. Saranjom xodim.

2. Hamma narsa tartibga solingan, joy-joyida, batartib; orasta, ozoda, sarishta.

Saranjom hovli.

Hamma narsa oʻz yerida, saranjom edi. — M. Ismoiliy, Fargʻona tong otguncha

  • Saranjom(ini) olmoq Uy-roʻzgʻor yumushlarini tartibga solmoq; buyum va jihozlarni yigʻishtirib yoki joy-joyiga qoʻyib tinchimoq, xotirjam boʻlmoq.
  • Saranjom topmoq 1. Yigʻishtirilmoq; tartibga kelmoq, joy-joyiga tushmoq. Hamma ishlar saranjom topgandan soʻng tantana bilan yoʻlga tushishdi. — Oybek, NavoiyOtasidan qolgan narsalar allaqachon saranjom topib ketdi.
  • Saranjom qilmoq 1. Yigʻib-terib, joy-joyiga qoʻyib tartibga keltirmoq, saranjomlamoq. Qurbonboy uyni saranjom qilib boʻlgandan keyin hovlida ancha aylanib yurdi. — S. Ahmad, SaylanmaHisobchi shu yilning oʻzidayoq kolxozniki oʻnlab qoʻyini saranjom qilib yubordi. — Mushtum[Mastura Guljonga:] Matqosimboyni saranjom qilishibdi. — Hamza, Paranji sirlari;Bir barra qoʻzi bor edi, ota ho-zir shuni saranjom qilib kirdi. — N. Fozilov, Diydor
Toʻliq maqola →
saranjomlamoq
Izohli lugʻat · yana 3 ta lugʻatda

fl. 1. Saranjom qilmoq, tartibga solmoq, yigʻishtirmoq, saranjom-sarishta qilmoq, (buyumlarni) joy-joyiga qoʻymoq.

Umar idoradagi qogʻozlarni saranjomlab, oʻzi hammadan keyin ketdi. — S. Yunusov, Kutilmagan xazina

2. koʻchma s. t. Oʻzlashtirib yubormoq, oʻgʻirlamoq, gum qilmoq, yoʻq qilmoq.

Mukofotga beriladigan mashinani ham saranjomlabdi, azamatlar. — Gazetadan

3. koʻchma s. t. Zimdan tinchitmoq, joniga qasd qilmoq; gumdon qilib yubormoq.

— Ikkitasini yer tishlataman, — dedi shivirlab Xudoyberdiyev sherigiga, —

Avval oldingisini saranjomlayman. — N. Safarov, Olovli izlar

Toʻliq maqola →
besaranjom
Izohli lugʻat · yana 6 ta lugʻatda

sft. 1. Saranjom-sarishta qilinmagan; saranjom topmagan, ayqash-uyqash.

Besaranjom uy. Oshxona doim besaranjom.

Bolalarning oʻyinchoqlari, kitob, gazetalar bilan besaranjom boʻlgan xonada bir ayol yotardi. — S. Zunnunova, Qanot

Barcha hovlilar qatori ularniki ham besaranjom. — Sharq yulduzi

2. Saranjom-sarishtalikni bilmaydigan, pala-partish ish, roʻzgʻor tutadigan.

Besaranjom xotin.

3. Hayajon, iztirobga tushgan; tashvishli, iztirobli, bezovta.

Moʻylov besaranjom koʻzlarini jovdiratib, darrov gapira olmadi. — S. Ahmad, Choʻl shamollari

Chol besaranjom boʻlib, koʻzi bejo, olma-kesak tera boshladi. — I. Qalandarov, Shoxidamas, bargida

Toʻliq maqola →
besaranjomlik
Izohli lugʻat · yana 4 ta lugʻatda

ot Tinchi buzilganlik, bezovtalik, tartibsizlik.

Yusufbek hoji yurt besaranjomligi va oʻgʻil qaygʻusi bilan asabiylashgan edi. — A. Qodiriy, Oʻtgan kunlar

Tatyana Haydarning avzoyida qandaydir besaranjomlik borligini sezdi. — I. Rahim, Ixlos

Endi qorachiqlari kengayib, besaranjomlik oʻrnini mungli ifoda egalladi. — Yoshlik

Toʻliq maqola →