сфт. Ризқи ёʻқ, бенасиб.
Қидирув
«ризқсиз» бўйича 7 та натижа
Луғат мақолалари
7 та
Изоҳли луғат
· яна 5 та луғатда
от 1. Ҳаёт учун зарур озиқ, озуқа, қут, насиба, овқат.
Қунт билан ўрган ҳунар, Ҳунардан ризқинг унар. — Мақол
Меҳ-мон келар эшикдан, Ризқи келар тешикдан. — Мақол
Ҳар бир одам дунёга келар экан, ўз ризқи билан туғилади, деган гап бор. — Ёшлик
Ризқи она ерга сепилган халқим, Ушоқ чигитни ҳам этмай деб увол, Миллион эгатларга эгилган халқим. — А. Орипов
2. кўчма Бирор иш, ҳаракат ва шу кабилар учун асос бўлган нарса; озуқа, озиқ.
Қудрат ялмоғиз қашшоқликнинг заҳарли томирлари ўз [унинг] ризқини қаердан ва қандай олишини яхши билиб олди. — М. Исмоилий, Фарғона тонг отгунча
Отлар даштларда қўйларга қараганда кўпроқ чидамли бўлади, ўз ризқини бемалол топиб ейди. — Газетадан
Дон — инсоннинг, сомон — чорва молларининг ризқи. — Газетадан
Бу ўрик меҳнацевар деҳқоннинг меҳри ва муҳаббатидан ризқ олиб ўсарди. — Ш. Рашидов, Бўрондан кучли
3. дин. Қуръони карим, Ислом динига кўра, худо ҳар бир киши, жонивор учун атаган, ўлчаб, белгилаб қўйган насиба, улуш.
Карвон кўп, ризқи бўлак. — Мақол
Оллоҳ ёʻлида ҳижрат қилган, сўнгра қатл қилинган ёки вафот топган зотларни, албатта, Оллоҳ гўзал ризқ билан руҳлантирар. — Газетадан
Сен билан менинг тан-жонимиз соғ бўлса, бу жўжаларнинг ризқини худо беради — К. Яшин, Ҳамза
[Зеби:] Йигит моли ерда, ҳар кимни худойи таоло ўз ризқи билан яратади, ўғлим. — У. Исмоилов, Сайланма
Эй парвардигори олам, ўғлим Ҳамзахоннинг умрини узун, иқболини баланд, ризқини мўл қилгайсан. — К. Яшин, Ҳамза
- Ризқи тугамоқ Ўлмоқ, ёʻқ бўлиш, тугаш вақти келмоқ. Гўдакнинг ризқи тугаб, куни битган. Тақдири азалда битилгани шундай бўлгач, начора! Бандалик экан — К. Яшин, Ҳамза
Изоҳли луғат
· яна 2 та луғатда
сфт. 1. Озуқа, овқат моддасига бой бўлган; тўйимли.
Ризқли моддалар.
Ҳаводаги азотдан ризқли моддалар тайёрлайдиган бактериялар нўхат, ловия, беда ва бошқа ўсимликларнинг илдизида кўп бўлади. — Газетадан
2. Насибали, ризққа эга, ризққа бой.
— Болаларингиз ҳамма вақт ризқли бўлиш-син. Илло, ўзинглар ҳам катта савоб иш қилгансизлар, у дунё-ю бу дунё кам бўлмай-сизлар, — деди чол Меҳринисага. — Р. Файзий, Ҳазрати инсон
— Рост айтасиз, ризқли мол-да, қўлдан берганингизга қаноат қилмайди, энди кўклам чиқиб келаётир, бундан бу ёққа озгани озган, — деди канизлар. — Алпомиш
Изоҳли луғат
· яна 1 та луғатда
от Кундалик ҳаёт учун зарур озуқа, овқат.
Тошкент қадим-қадимдан нон шаҳри, ризқ-рўз шаҳри бўлиб келган. — Газетадан
Нон — ризқ-рўзимиз, фаровон ҳаётимиз кўрки, файзи, бебаҳо бойлигимиз. — Газетадан
Пахта шундай бир мўжизавий неъматки, у кўп жиҳатдан ризқи рўзимизни ҳам таъминлайди. — Газетадан
фл. 1. Ризқ, озуқа олмоқ, озиқланмоқ, овқатланмоқ.
Тупроқдаги бактериялар ҳаводаги азот билан ризқланиб, азотли бирикмаларни ҳосил қилади.
Тақсир, мен хон бераётган пулга қизиқмайман, у пул ўзимни ҳам тўйғизмайди. Мени ҳунарим қизиқтиради, ундан ризқланаман. — Ж. Шарипов, Хоразм
2. кўчма Бирор иш, ҳаракат ва шу кабилар учун озиқ, озуқа олмоқ.
от
Инсон қаерда бўлмасин, ўз ризқ-у насибасини теради, фақат фидокорона меҳнати, она ерга муҳаббати туфайли бахт топади. — Газетадан
Раҳматилла ва Нозимахон ўқишни тугатгач, ризқ-насиба экан, шаҳарда яшаб қолдилар. — Х. Султонов, Онамнинг юрти
Сен билан бизнинг бу ердан ризқ-насибамиз узилди. — П. Турсун, Ўқитувчи
фл. Ризқланмоқ феълининг орттирма нисбати.