Проект Hayot Foundation
О проекте
Ру
Ру

Поиск

По запросу «qovushmoqlik» — результатов: 9

Фильтр
Тип словаря
Толковый Переводной
На язык
Русский Английский Каракалпакский Немецкий Турецкий

← Все результаты

Словарные статьи

9
qovushmoq

fl. 1. Bir-biriga yopishib, birikib, ulanib, bir butunlikni tashkil qilmoq; qoʻshilmoq, tutashmoq, yopishmoq.

Chuvalangan boʻyra ustida paxtasi arang qovushib turgan koʻrpacha. — R. Azizxoʻjayev, Toʻlgʻoq yemagan, juvon, baxtiyor kampir

Qoʻsha qarimoqqa muhr boʻladi Hayotda ikki lab qovushgan bir zum. — Gʻ, Gʻulom

2. Qoʻshilmoq, juftlashmoq.

Boyagidan birmuncha kuchaya tushgan shamol gulni gulga qovushtirib, goʻyo bu ikki yoshga: Siz ham mana shu gullar kabi qovushing, degandek koʻrinar edi. — A. Qodiriy, Mehrobdan chayon

3. Ittifoq, hamjihat boʻlmoq; bir-biriga monand ish tutmoq.

Ular bosh-boshiga qovushmaydi.

Qovushmagandan keyin, albatta, qoʻlimizdan hech ish kelmaydi-da. — A. Qahhor, Sarob

4. Bir-biriga monand, muvofiq kelmoq, mos tushmoq, uygʻunlashmoq, yopishmoq.

Suhbat qovushmasdi.

U [Saodat] qogʻoz olib, plenumda gapiradigan soʻzlarini yozmoqqa kirishdi. Ammo soʻz soʻzga, gap gapga qovushmadi. — I. Rahim, Ixlos

5. Biror doirada, muhitda yoki holatda oʻzini erkin his etmoq, erkin tutmoq.

Tanchada qovushib oʻtirolmaydi

Bugun sizning oldingizda, xuddi begonaday, qovushmay turganimga xafaman, Fotima! — P. Tursun, Oʻqituvchi

Bolalar yana intizor boʻlishib kutishdi, qovushmay, kechagiday jim-gina oʻtirib ovqatlanishdi. — S. Abduqahhor, Koʻzlar

6. Biror ishni bajarishda toʻgʻri va chaq-qon harakat qilmoq.

Ishlab yurgan odam har qanday ishga darrov qovushadi. U hech ishga qovushmaydi.

  • Qoʻli qovushmaydi Oʻrganmaganlikdan yoki sovuqdan, karaxtlikdan qoʻli ishga yaxshi kelmaydi, qoʻli kelishmaydi.
Полная статья →
qovushtirmoq

fl. Qovushmoq 1-4 feʼlining orttirma nisbati.

Tarix qovushtirdi bizning ellarni. — Shayxzoda

Bu ishga ham Buzrukxoʻjaning oʻzi bosh boʻlib, dehqonni ahil oilaga qovushtirdi. — Gazetadan

  • Boshini qovushtirmoq 1. Hamjihat qilib birlashtirmoq, uyushtirmoq. Komiljonga itoat qilishga Umaralining boʻyni yor bermayotgan boʻlsa kerak Komiljonga ogʻir. Ularning boshini qovushtirish kerak. — I. Rahim, IxlosQoʻshnilar birgalikda toʻy qilib, ikki yoshning boshini qovushtirib qoʻyishdi. — S. Abduqahhor, Koʻzlar
  • Qoʻl(ini) qovushtirmoq 1. Qoʻlni, besh panjani birin-ustin kesishtirgan holda tutmoq. Mirshab odamlaridan biri avval xatirchilik bandining qoʻlini oldiga qovushtirib bogʻlab, peshband qilmoqda edi. — S. Ayniy, QullarTojiboy uzun yenglari ichidagi qoʻllarini qorni ustiga qovushtirib, bukilib oʻtirdi. — P. Tursun, OʻqituvchiU darvozadan kirib, supaga oʻn-oʻn besh qadam qolganda, qoʻl qovushtirib, taʼzim bilan: — Assalomu alaykum, — dedi. — Oybek, Tanlangan asarlarOchil, brigadirman, deb qoʻl qovushtirib oʻtirmaydi. — F. Nurullayev, Boʻz yigit
Полная статья →