«қийқиришмоқ» бўйича 7 та натижа
фл. Қийқирмоқ феълининг биргалик нисбати.
фл. 1. Томоқдан қаттиқ, баланд овоз чиқармоқ, ҳайқирмоқ, қичқирмоқ.
Халқ кулади, олқишлайди, қийқиради. — Т. Обидов, Юсуфжон қизиқ
Заргаров қийқириб кулди, чапак чалди ва бунга ҳам қаноат қилмай, ўрнидан туриб, ўйинга тушди. — А. Қаҳҳор, Оғриқ тишлар
Ишдан қайтган чоғимда Қийқиради ўғилчам. — Ё, Мирзо
2. айн. Қийқилламоқ.
от 1. Кучли тарздаги, бетартиб қичқириқ, шовқин, қий-чув.
Фақат ичкаридан мастларнинг қийқириқлари, алла-кимнинг бўғиқ алёри эшитилади — Ҳ. Ғулом, Машъал
Арава пойганинг гумбури, аравакашларнинг қийқириғи билан тўй карвони бораркан — Ойбек, Танланган асарлар
2. Қўллаб-қувватловчи, олқишловчи ялпи овоз; ҳайқириқ, қичқириқ.
Шодлик қийқириқлари. Тўйчиларнинг қийқириқлари.
Залда олқишлар бўрони кўтарилиб, “Яшасин Юсуфжон қизиқ!“, Яшасин ўзбек санъати! деган қийқириқлар эшитилди. — Т. Обидов, Юсуфжон қизиқ
Пуч қийқириққа учмаслик, шов-шувга сабаб бўладиган ғаройиботлар кетидан қувмаслик керак. — Газетадан
3. Баъзи парранда, қушларнинг қий деганга ўхшаш кучли товуши.
Қайси бир унгурдан йиртқич қушнинг қийқириғи эшитилиб, акс садо беради. — Ж. Абдуллахонов, Орият
Турналарнинг ўйчан қийқириғида мудраган ойдин кечалар бошланди. — Ў. Ҳошимов, Қалбингга қулоқ сол
от Бўлар-бўлмасга қийқираверадиган, ҳайқираверадиган; бақироқ.
Қийқироқ одам.
фл. Қийқирмоқ феълининг орттирма нисбати.
фл. Қийқирмоқ феълининг орттирма нисбати.
