Hayot Foundation loyihasi
Loyiha haqida
Oʻz
Oʻz

Qidiruv

«qiyos» boʻyicha 11 ta natija

Filtr
Boʻlim
Lugʻatlar Ertaklar Shevalar
Lugʻat turi
Izohli Tarjima Terminologik
Tildan
Oʻzbekcha Ruscha Inglizcha
Tilga
Oʻzbekcha Ruscha Inglizcha Qoraqalpoqcha Nemischa Fransuzcha Arabcha Turkcha

← Barcha natijalar

Lugʻat maqolalari

11 ta
qiyos
Izohli lugʻat · yana 6 ta lugʻatda

ot 1. Oʻzaro chogʻishtirish, solishtirish, taqqoslash; muqoyasa, taqqos.

Tarjima sifatini aniqlashning asosiy vositasi qiyosdir. — Gʻ. Salomov, Tarjima nazariyasiga kirish

U notiqlik sanʼatini erinmay oʻrganishi, oddiy qiyoslardan katta xulosalar chiqarish koʻnikmasini hosil qilmogʻi lozim. — Gazetadan

2. Oʻxshash, teng, misl.

Onamiz koʻkragin yoʻqdir qiyosi, Shundan oqib chiqar mehr daryosi. — Yo. Mirzo

Yurtim, senga sheʼr bitdim bu kun, Qiyosingni topmadim aslo. — A. Oripov, Ruhim

  • Oʻzingdan (oʻzimdan) qiyos Bunga oʻzing (oʻzim) misol boʻlasan (boʻlaman), oʻzingga (menga) qarab xulosa qilaver, mazmunidagi ibora. Mana, oʻzimdan qiyos. Kechagina hammangga kulgi boʻlib yurgan bir soldat edim. Mana endi, xudoga shukur, jir bitib, odam boʻlib qoldik — O. Yoqubov, Izlayman
Toʻliq maqola →
qiyosan
Izohli lugʻat · yana 3 ta lugʻatda

Qiyosiy ravishda, qiyos bilan qaraganda; qiyoslanganda, nisbatan.

Qiyosan oʻrganish. Qiyosan olganda.

Oʻrdaning tevarak masofasini chamalab koʻrgan edik, shuning uchun oʻrdaning qay daraja keng boʻlishi ham bizga qiyosan maʼlum. — A. Qodiriy, Oʻtgan kunlar

Toʻliq maqola →
qiyosiy
Izohli lugʻat · yana 5 ta lugʻatda

sft. Uzaro taqqoslashga, qiyoslashga asoslangan.

Qiyosiy metod. Qiyosiy grammatika. Sifatning qiyosiy darajasi (tlsh.).

Ularning [yoshlarning] bilganlari taxminiy va qiyosiy boʻlib, koʻpincha tarixiy haqiqatga toʻgʻri kelmaydi. — S. Ayniy, Esdaliklar

Toʻliq maqola →
qiyoslamoq
Izohli lugʻat · yana 5 ta lugʻatda

fl. Nisbat bermoq, oʻxshatmoq; oʻzaro taqqoslamoq.

Yoshlikni bahor fasliga qiyoslaydilar — Gazetadan

Ravon yoʻldan borarkanmiz, bu bepoyon dashtni beixtiyor shaxmat taxtasiga qiyoslaymiz. — Gazetadan

Buxgalter korxonaning oʻtmishi va hozirgi turmushi, xoʻjaligini qiyoslab, choʻtga sola ketdi. — Gazetadan

Toʻliq maqola →
beqiyos
Izohli lugʻat · yana 4 ta lugʻatda

sft. 1. Qiyos qilib, solishtirib boʻlmaydigan darajada; behad, cheksiz.

Beqiyos hurmat.

Alisher Navoiy ijodi beqiyos ummon. — Yoshlik

2. Oʻxshashi, tengi yoʻq; mislsiz.

Beqiyos goʻzallik.

Yengil orombaxsh shamolda yelpinayotgan giyohlar beqiyos chiroyli, soʻngi yoʻq yoqimli ertak aytayotgandek boʻldi. — Shuhrat, Umr pogʻonalari

Halima Nosirovaning beqiyos sanʼati, tabiiy va betakror ovozi xalqimiz qalbidan chuqur joy olgan. — Saodat

Toʻliq maqola →