Hayot Foundation loyihasi
Loyiha haqida
Oʻz
Oʻz

Qidiruv

«poʻla» boʻyicha 18 ta natija

Filtr
Boʻlim
Lugʻatlar Ertaklar Shevalar
Lugʻat turi
Izohli Tarjima Terminologik Frazeologik
Tildan
Oʻzbekcha Ruscha Inglizcha Turkcha
Tilga
Oʻzbekcha Ruscha Inglizcha Qoraqalpoqcha Nemischa Turkcha

← Barcha natijalar

Lugʻat maqolalari

18 ta
poʻla
Izohli lugʻat · yana 3 ta lugʻatda

ot Zarb yeb yoki pishib oʻtib ketib ichi tushgan, ichi boʻsh.

Poʻla qovun. Qovunning yomoni —

poʻla, Xeshning yomoni — boʻla. — Folklor

  • Boshi poʻla boʻlmoq Miyasi qattiq zarbdan chayqalmoq, lat yemoq.
  • Poʻla bosh Gap uqmaydigan, kaltafahm, galvars. Bu poʻla boshga endi tushuntirdim-a. Oʻzi yumshoq supurgi boʻlib koʻrinsa ham, toshdan ham qattiq ekan, zangʻar, — deb yana sipqordi. — K. Yashin, Hamza
  • Poʻla boʻlmoq Zarb, lat yemoq. Safarboy oʻn yigiti bilan dabdala boʻlib, balki toza poʻla boʻlib, koʻp qamchini yeb, Chambilga qaytdilar. — Avazxon
Toʻliq maqola →
poʻlat
Izohli lugʻat · yana 5 ta lugʻatda

ot 1. Temirning maʼlum miqdordagi uglerod bilan qoʻshilishidan hosil boʻlgan, kulrang, choʻkichlanuvchi qattiq metall.

Zanglamaydigan poʻlat.

Ie-ye, menda poʻlat nima qiladi, taqsir. Eski taqalar, temir-tersaklar bilan zoʻrgʻa qimirlab turibmiz. — M. Ismoiliy, Fargʻona tong otguncha.

2. Shu metalldan tayyorlangan, yasalgan.

Poʻlat sim. Poʻlat qaychi. Poʻlat tish. Poʻlat pichoq qinsiz qolmas. — Maqol

3. folk. Qilich, shamshir.

Olmos poʻlat bogʻlab men ham belimdan, Dev izlab chiqqanman oʻsgan elimdan. — Malikayi ayyor

Poʻlat bilan qirdi devni, keskir xanjarini urdi, yalangʻochlab qilich soldi. — Malikayi ayyor

4. koʻchma Metinday mustahkam, buzilmas, yengilmas.

Poʻlat qalʼa.

5. Kuchli, zabardast.

Qish. Dehqon ahlining poʻlat muskullariga hordiq beradigan, koʻngil yozadigan fasl. — Oʻzbekiston qoʻriqlari

Bizning poʻlat qudratimiz — birligimizda. — M. Shayxzoda

6. Poʻlat (erkaklar va xotin-qizlar ismi).

  • Poʻlat iz Yangi mashinalar kelar birin-ketin Doʻstlik qura olgan poʻlat izlardan. — Zulfiya
  • Poʻlat Poʻlat otni oʻynatib, Traktorchi boʻlaman. — Q. Muhammadiy.
  • Poʻlat sandiq
  • Poʻlat qush Koʻkda rango-rang poʻlat qushlar hamisha posbon. — Habibiy, Devon
Toʻliq maqola →
polapon
Izohli lugʻat · yana 1 ta lugʻatda

ot

Fil yoʻlda bora turib, toʻrgʻayning uyini bosib, polaponlarini yanchib tashlabdi. — X. Toʻxtaboyev, Yillar va yoʻllar

Yulgʻun orasidagi belanchak inda yotgan polaponlari sap-sariq ogʻizchalarini indan chiqarib, bir ovozdan chirqillay ketadilar. — M. Mansurov, Yombi

Bir ona chumchuq daryo yoqasidagi jarlikka in qoʻyib, uchta bola ochibdi. Biroq, daryo suvi koʻtarilib, polaponlar xavf ostida qolibdi. — Gazetadan

koʻchma q. Palapon 2.

Qani, polaponlarim, darrov turib, yuzlaringni yuvinglar-chi? Keyin togʻangnikiga boramiz. — Gazetadan

Toʻliq maqola →
Poʻlat oʻtda, odam mehnatda, muhabbat ayriliqda toblanar

Сталь закаляется в огне, человек — в труде, а любовь крепнет в разлуке.

[Morozov:] Qachon uchrashishimizni ham bilmaymiz. [Xudash:] Bilish qiyin. [Morozov:] Poʻlat olovda, muhabbat ayriliqda toblanadi. Buning haq gap ekanligiga ishonasanmi? [Морозов:] Мы даже не знаем, когда встретимся. [Худаш:] Да, трудно угадать. [Морозов:] Сталь закаляется в огне, а любовь крепнет в разлуке. Веришь ли в правдивость этих слов? — Б. Раҳмонов, Баҳор арафаси.

Toʻliq maqola →