Изоҳли луғат
· яна 5 та луғатда
от 1. Дастага ўрнатилган ясси ва узун тиғли рўзғор асбоби.
Ёʻқолган пичоқнинг сопи олтин. — Мақол
Ўтмас пичоқ қўл кесар. — Мақол
Яхши гап билан илон изидан, ёмон гап билан пичоқ қинидан чиқар. — Мақол
Зокир ота қочиш ёʻлларини яхши уқтиргач, йиртиқ кўн этигининг қўнжидан бир пичоқни олиб, секин менга узатди. Ғайратий, — Унутилмас кунлар
Тўланбой сўрида чордана ўтириб олган, пичоқни тахтага тақ-тақ тегизиб, сабзи тўғраяпти. — С. Аҳмад, Уфқ
2. тех. Турли асбобларнинг кесувчи қисми.
Гўшт қиймалагич пичоғи.
- Пичоқ тортмоқ (ёки қўймоқ) Пичоқ билан кесмоқ, сўймоқ. Мабодо ҳўкиз ёмонлаб қолгудай бўлса, бориб, дарров бўғзига пичоқ тортиб юборасан. — Ғ. Ғулом, Шум бола
- Пичоқ (бориб) суякка етмоқ (ёки тақалмоқ) Чидам, бардош тугамоқ. Пичоқ бориб суякка етгандан кейин, нима қилсин бечора халқ — К. Яшин, ҲамзаҲожиона Ёʻқ, пичоқ бориб суякка тақалди. — Ҳамза, Бой ила хизматчи
- Пичоқ учидай Озгина, зиғирдай. — Эй ўртоғей, — деди у, — нимасини сўзлайсиз, шу замоннинг қизларида пичоқ учидай шарм-у ҳаё қолмади. — Ф. Ғулом, Танланган асарлар
- Пичоққа илинмайди Арзимайди, арзигулик ери ёʻқ, арзигудай эмас. Пичоққа илинмайдиган ҳосил.
- Пичоғи кескир Ўткир, гапи бировларга ўтадиган киши. Ҳожимурод эса пичоғи кескир раислар қаторида юрарди. У райком секретари билан прокуратурадан бошқа раҳбарларни раҳбар қаторида кўрмасди. — С. Аҳмад, Жимжитлик
- Пичоғи мой устида — Ҳа, Содиқжон бойваччага худо берган, — деди Бўронбой учуриқ қилиб, — ҳамиша отган ошиғи олчи, пичоғи мой устида одам у! — К. Яшин, Ҳамза
- Ўтмас пичоқ билан сўймоқ Чидаб бўлмас даражада азобламоқ. [Одилжон:] Қаёқдан ҳам тўйда ўша қиз билан ашула айтдим, ўйин тушдим, ўшандан бери Гулчеҳра мени ўтмас пичоқ билан сўйиб юрибди. — У. Назаров, Ғурур.