ot 1. tar. Eski maktablarda qizlar oʻqituvchisi; din va shariat bilimdoni.
Har kun qoʻshnimiz otin bibida qiyomgacha oʻqib, keyin to kechgacha, koʻpincha kechalari ham, ayamning yoniga kirib, tikish tikdim. — Oybek, Tanlangan asarlar
2. etn. Ayollar oʻrtasida diniy marosimlarga (masalan, mavlud) boshchilik qiladigan ayol.
3. s. t. Har qanday oʻqimishli yoki oʻqituvchi ayol.
Shu chinorga chiqqanga, Chiqib uni yiqqanga, Soʻzsiz, xotin boʻlaman. Goʻzal otin boʻlaman. — H. Olimjon
— Oying ham otin boʻladi, — Mavlon aka Karomatning gapidan zavqlanib kulib qoʻydi. — H. Gʻulom, Mashʼal
Gulnor Yoʻlchiga xat yozishga qaror qilgan va soʻzlarini aytib turgan, otin qiz esa Gulnor soʻzlarini silliqlab, qogʻozga koʻchirgan. — Oybek, Tanlangan asarlar
4. Oʻqimishli, obroʻli ayollarga murojaatda yoki ular toʻgʻrisida gap borganda, ismiga qoʻshib ishlatiladigan soʻz.
Shakar otin. Fotima otin.
[Yusufbek hoji:] Bolam, Zaynab otin, sizdan hali yoshlik gʻururi ketmagan, lekin mening bolam boʻlganingizni siz ham unutmang! — A. Qodiriy, Oʻtgan kunlar
- Otin bibi (yoki buvi, oyi) Uyida maktab ochgan ayol. Yozishni bilmaydimi? — Qaydan biladi, qishlogʻimizda otin buvi boʻlmasa, oʻqimagan-da. — M. Ismoiliy, Fargʻona tong otgunchaOpaning ovozi, otin oyilarning ovoziga oʻxshab, faqat bitta notada yurar ekan. — S. Ahmad, Jimjitlik