«ohangli» boʻyicha 13 ta natija
sft. Maʼlum bir ohang yoki kuyga ega, maʼlum bir ohang, kuy bilan ifodalanadigan, chalinadigan, aytiladigan; ohangdor.
Bir turli, bir ohangli nafis, musiqaviy tovushlar kishining borliq vujudiga, qon tomirlariga ajoyib bir oʻzgarish bergan edilar. — A. Qodiriy, Oʻtgan kunlar
ot 1. Bir-biriga ulangan, uygʻunlashgan yoqimli tovushlar oqimi.
Ariqdan mayin ohang bilan suv oqar. — Oybek, Oltin vodiydan shabadalar
2. Turli tovushlarning maʼlum bir tartibda uygʻunlashib, musiqiy butunlik tashkil etgan birikmasidan iborat musiqa asari; kuy.
Bu ashulaning ohangi juda yaxshi ekan!
Bularning [sheʼrlarning] hammasi deyarli gazetada bosilar, baʼzilarini bolalar ohangga solib, sahnalarda ashula qilib aytar edilar. — A. Qahhor, Sarob
3. Nutqda maʼnoga qarab ovozning koʻtarilishi va pasayishi; intonatsiya.
Buyruq ohangi, Soʻroq ohangi. Tinch (bosiq) ohangda soʻzlamoq.
U
vaqtlarda men sheʼrlarning maʼnosini toʻla tushunmasam ham, ularning oʻqishdagi ohangi meni zavqlantirardi. — S. Ayniy, Esdaliklar
Ziyodaxon baʼzi jumlalarni maʼnosiga mos kelmaydigan ohangda oʻqib, tinglovchilarga uqtira olmagani uchun, hikoyaning davomini Ibrohimovning oʻzi oʻqidi. — A. Qahhor, Qoʻshchinor chiroqlari
4. Soʻzlovchining ichki his-tuygʻularini ifodalaydigan talaffuz uslubi.
Arazlagan ohangda soʻzlamoq. Yigʻlamsiragan ohangda gapirmoq.
Oysha xola qalbdan silqib chiqqan mehribon bir ohangda gapirdi. — S. Zunnunova, Koʻk chiroqlar
Gulnor toʻgʻrisida soʻzlaganda, tovushiga sirli ohang berdi. — Oybek, Tanlangan asarlar
Kechir demoqchisiz, — dedi Inobat mayin, alamli ohang bilan. — X. Toʻxtaboyev, Felyetondan soʻng
5. koʻchma kam qoʻll. Narsalarning oʻzaro qoʻshilishidagi moslik, uygʻunlik.
Boʻyoqlarning nafis ohangi benihoyat nozik tovlanar edi. — Oybek, Navoiy
sft. 1. Quloqqa yoqadigan, xush keladigan, huzur bagʻishlaydigan; yoqimli, musiqiy; ohangi yaxshi.
Ohangdor musiqa.
Alla! Dunyodagi eng sodda, eng sof, eng ohang-dor, erka tuygʻuli ona qoʻshigʻi. — Saodat
Gulandom ohangdor, jarangli ovoz bilan soʻzladi. — Oybek, Tanlangan asarlar
2. Maʼlum ohangga ega boʻlgan, maʼlum ohang bilan talaffuz qilinadigan; ohangli, jarangli.
Ohangdor sheʼr.
Oʻtkir ohangdor tovushdan seskanganda, yuk mashinasi darhol oʻzini yoʻl chetiga olib, oʻtaver, degandek duddudladi. — S. Nurov, Narvon
Soqolli kampir bir qoʻlini Nurining boshiga yengil qoʻyib, baland., tovush bilan xuddi kuylagandek, soʻzlarni ohangdor choʻzib qichqirdi. — Oybek, Tanlangan asarlar
Ahangaran
ot 1. Aytilishi oʻxshash, talaffuzdagi ohangi bir xil.
Ohangdosh nomlar. Ohangdosh soʻzlar.
2. Maʼlum ohangga, kuyga mos tushgan, mos keladigan.
Ohangdosh ashulalar.
3. koʻchma Bir-biriga mos, uygʻun, hamohang.
Ohangdosh boʻyoqlar.
sft. ayn. Ohanrabo.
ot Garmoniya, oʻzaro moslik, monandlik, muvofiqlik, uygʻunlik, bir-biriga toʻgʻri kelish; xil tushish, xillik;
ot Jarangdorlik, ohangdor boʻlish.
ot ayn. Ohangdorlik.
ot Ohangaronda yashovchi shaxs.
ot 1. Bir xil ohangga egalik, ohang jihatidan oʻxshashlik.
Soʻzlarning ohangdoshligi.
2. mus. Turli balandlikdagi musiqa tovushlarining bir vaqtda sadolanib qoʻshilishi.
Kuylarning ohangdoshligi.
3. esk. ayn. Singarmonizm.
ot Xushohang boʻlish (qoʻshiq yoki musiqa haqida).
the Ahangaran Valley
