Qidiruv

ot 1. Quvonch, zavq, qoyil qolish kabi his-tuygʻularni ifodalaydi.

Oh,odamlar! Eslasam, qalbimni quvonch, ruhimni shodlik quchadi. — J. Jabborov, Sevinch yoshlari

Oh, bu yoqimli hid qayerdan keldi ekan. — X. Toʻxtaboyev, Shirin qovunlar mamlakati

Oh, goʻzal jonon hayot, senda erur ozod kishi. — Z. Diyor

2. Sogʻinish, intizorlik kabi maʼnolarni ifodalaydi.

— Kel, bir oʻpay!— dedi Abdumannof. — Oh! Aziz ogʻaynim! — A. Qahhor, Ogʻaynilar

Baʼzi vaqtda uncha-muncha pul ham soʻrab olaman, Lekin chirt-pirt boʻlib, qoʻldan uchadi-ketadi. Oh, pul! Oybek, — Tanlangan asarlar

— Oh, aylanay, ovsinjon, — dedi bir juvon kulgidan oʻzini tiyib, — koʻzimiz dovuchchada boʻlgan zamonlar qandoq zamonlar ekan-a? — S. Zunnunova, Olov

3. Achinish, dard-alam, hasrat tuygʻusini ifodalaydi.

Qani Gulnor? Qani jononi?— Oh, u yoʻq. — Oybek, Tanlangan asarlar

Oh, falokat, padar laʼnat! Sharmanda qilding-ku oxiri! — Hamza, Tanlangan asarlar

4. Ogʻriq, dard tuygʻusini ifodalaydi.

/Zargarov darrov kresloga oʻtirib:] Oh! Voh! Sugʻur! Sugʻursang-chi! [Marasul omburni chogʻlab:] Hozir Hozir. — A. Qahhor, Ogʻriq tishlar

5. ot vzf. Dod-figʻon, nola, afgʻon, zorlanish.

Oh tortmoq (urmoq, chekmoq).

Ey, telba kechmishning tilsiz guvohi, Tinglanar qalbingdan yillarning ohi. — Gʻayratiy

Tanho yotar edim boʻm-boʻsh qirgʻoqda, Tepamda yulduzlar chekar edi oh. — A. Oripov, Yillar armoni

Said Jalolxon ishongan togʻi xususidagi bu xabarni eshitib, oh tortdi. — A. Qahhor, Bashorat

Ogʻriq alamidan tinmay oh urardi. — Mirmuhsin, Temur Malik

Overall Loudness Ratingruschaуровень общей громкостиoʻzbekchaumumiy ovoz balandligi darajasi

el. om (elektr qarshiligining oʻlchov birligi)

Kutilmagan voqea yoki hodisadan taajjublanganlikni ifodalaydi. Mahkam:

Salom alaykum. Oho, yangi mehmonlar-ku! — T. Safarov, Uygʻonish

— Oho, agronomcha, — dedi Hamdam [Komilga] qoshini chimirib, — dalada rosa pishibsan-ku. — H. Ahmad, Kim haq?

ot 1. Chiroyli qora koʻzli kiyik.

— Masalan, togʻlardagi ohular, oʻrmondagi toʻtilar, chamandagi bulbullar ham yolgʻiz emas, juft yashaydilar,— dedi Anvar. — A. Qodiriy, Mehrobdan chayon

Qoʻlini tortib, yana yuziga narda qildi va ohu chaqqonligi bilan yigit yonidan oʻtib, shipillaganicha yugurib ketdi. — M. Ismoiliy, Fargʻona tong otguncha.

2. koʻchma. Nozik, sergak mahbuba.

Xayr endi Qalbimda bir vido qoldi, Xayr endi, sen ketding, begunoh ohu. — A.Oripov, Yillar armoni

Muhabbatim, qaydasan, qalb ar-dogʻim, Jayron koʻzim, qirlarda qolgan ohum. — M. Yusuf, Uyqudagi qiz

ot Ohaktoshni oʻta yuqori (900° dan ortiq) temperaturada kuydirishdan, pishirishdan hosil boʻladigan oq modda; kaltsiy oksidi (qurilish, metallurgiya, kimyo sanoati va boshqalar sohalarda keng qoʻllanadi).

Ohak qorishmasi.

Qizlar koʻproq daraxtlarga ohak surish, supurib tozalash ishlarini bajarardilar. — S. Zunnunova, Olov

Ertaga ishdan qaytayotib, ohak ola kelsangiz, katta mehmonxonani boʻshatib, oqlab olardik. — A. Muxtor, Kumush tola

ayn. Oʻhoʻ I.

1. oʻzbekchaOgayo AQSH shtatiruschaОгайо штат США

2. oʻzbekchaOgayo d.ruschaр. Огайо

ot 1. Ip, gazlama yoki kiyimga pardoz berish yoki qotirish uchun ishlatiladigan modda; kraxmal.

2. Shunday modda bilan yangi narsaga, kiyimga berilgan ishlov, pardoz.

3. koʻchma Obroʻ; hurmat.

Ori yoʻqning ohori yoʻq. — Maqol

ayn. Oho.

Oh-ho, qiz bechoraning ichki dunyosini besh qoʻlday bilar ekansiz-ku? — A. Muxtor, Tugʻilish

ot 1. Bir-biriga ulangan, uygʻunlashgan yoqimli tovushlar oqimi.

Ariqdan mayin ohang bilan suv oqar. — Oybek, Oltin vodiydan shabadalar

2. Turli tovushlarning maʼlum bir tartibda uygʻunlashib, musiqiy butunlik tashkil etgan birikmasidan iborat musiqa asari; kuy.

Bu ashulaning ohangi juda yaxshi ekan!

Bularning [sheʼrlarning] hammasi deyarli gazetada bosilar, baʼzilarini bolalar ohangga solib, sahnalarda ashula qilib aytar edilar. — A. Qahhor, Sarob

3. Nutqda maʼnoga qarab ovozning koʻtarilishi va pasayishi; intonatsiya.

Buyruq ohangi, Soʻroq ohangi. Tinch (bosiq) ohangda soʻzlamoq.

U

vaqtlarda men sheʼrlarning maʼnosini toʻla tushunmasam ham, ularning oʻqishdagi ohangi meni zavqlantirardi. — S. Ayniy, Esdaliklar

Ziyodaxon baʼzi jumlalarni maʼnosiga mos kelmaydigan ohangda oʻqib, tinglovchilarga uqtira olmagani uchun, hikoyaning davomini Ibrohimovning oʻzi oʻqidi. — A. Qahhor, Qoʻshchinor chiroqlari

4. Soʻzlovchining ichki his-tuygʻularini ifodalaydigan talaffuz uslubi.

Arazlagan ohangda soʻzlamoq. Yigʻlamsiragan ohangda gapirmoq.

Oysha xola qalbdan silqib chiqqan mehribon bir ohangda gapirdi. — S. Zunnunova, Koʻk chiroqlar

Gulnor toʻgʻrisida soʻzlaganda, tovushiga sirli ohang berdi. — Oybek, Tanlangan asarlar

Kechir demoqchisiz, — dedi Inobat mayin, alamli ohang bilan. — X. Toʻxtaboyev, Felyetondan soʻng

5. koʻchma kam qoʻll. Narsalarning oʻzaro qoʻshilishidagi moslik, uygʻunlik.

Boʻyoqlarning nafis ohangi benihoyat nozik tovlanar edi. — Oybek, Navoiy

ot ayn. Oh-afgʻon.

Bundan qutulish uchun oh-voh, yigʻi-sigʻi sira foyda bermaydi. Qulchilikdan chiqmoqchi boʻlsak, kurashga bel bogʻlashimiz kerak. — Oybek, Tanlangan asarlar

ot ayn. Oh-afgʻon.

[Mamat:} Mening ohu zorlarim bunday qulay fursatlarni keltirdi. — Hamza, Paranji sirlari

sft. Tarkibida ohak boʻlgan, ohak aralashgan; ohakdan qilingan.

sft. 1. Asta, qattiq ovoz chiqarmasdan, sekingina.

Ohista gapirmoq. Derazani ohista yopmoq.

— Rahmat Rahimjon aka! —

dedi Raʼno sekin. Dedi-yu, entikdi, soʻngra chuqur nafas olib, ohista takrorladi: — Katta rahmat! — O. Yoqubov, Bahor kunlaridan birida

Avaz uygʻoq edi, otasi bilan ohista gaplashib kirayotgan kishining tovushini eshitdi-yu: Yana bir hamdard shekilli, deb shiftga qarab yotaverdi. — S. Siyoyev, Avaz

2. Shoshmasdan, sekin, asta; shov-shuv koʻtarmasdan.

Raʼno ohistagina Anvarning yoniga kelib, supaga suyandi. — A. Qodiriy, Mehrobdan chayon

Umid kirishda ohista u yoq-bu yoqqa qarab kirgani bilan, chiqishda mushukdek epchillik bilan zinapoyalardan tushdi. — Mirmuhsin, Umid

3. Bilinar-bilinmas, sal-pal, zoʻrgʻa payqab oladigan darajada.

Koʻzni ohista ochib, yummoq. Boshni ohista chayqamoq. Oy ohista siljimoqda.

Qaygʻuga botgan koʻzlarini yumib, boshini ohista irgʻadi. — Saodat

Pastdan shosha-pisha chiqib kelayotgan vrachning sharpasini sezgach, xiyol qoʻzgʻalib, ohista koʻzini ochdi. — N. Aminov, Qahqaha

4. Hovliqmasdan, bosiqlik bilan, yotigʻi bilan.

Voqeani ohista bayon qilmoq.

Sizga shunday vazifa yuklandi: ukangiz, singlingiz, xoʻsh, yana kim bor — shularga ohista tushuntirasiz, yaʼni ular Mirzakarimboy otamga araz qilmasinlar. — Oybek, Tanlangan asarlar

5. Bildirmay, bilintirmay, oshkor qilmay, yashirincha.

Ohista ishora qilmoq.

Zamira Ochilning oʻtli qarashlarini avvaldan his qilar, lekin ularda suqlik sezmas, aksincha, koʻz-koʻzga tushganda, yigit ohista koʻzini olib qochar va uyalib, oʻzini mumkin qadar tortib yurar edi. — P. Qodirov, Uch ildiz

Shiypon yaqiniga borib, ohista moʻralasam, kattakon gujum tagida Xolchuchuk oʻtiribdi. — Saodat

6. Ehtiyotlik bilan, avaylab, astagina.

Yarani ohista bogʻlamoq. Bemorni ohista yotqizmoq.

Qaygʻu bilan charchagan qizning koʻzlari yumila boshladi. Yoʻlchi uning boshini kir yostiqqa ohista qoʻydi. — Oybek, Tanlangan asarlar

Qamchi bilan Mavlon aka Botiralini ohista koʻtarib, aravaga oldilar. — \. Gʻulom, Mashʼal

7. Tinch, osoyishta.

Bu qishloqda hayot ohista va bir maromda kechardi. — Sharq yulduzi

8. Yengil, osongina.

Samolyot ohista Andijon tuprogʻiga qoʻndi. — Yoshlik

sft. 1. Ohor berilgan, ohorlangan.

Ohorli chit.

2. Ohori ketmagan, tutilmagan; kiyilmagan, yangi.

Erali boshida yangicha gilam doʻppi, egnida ohorli olacha toʻn kiyib kelgan edi. — S. Ahmad, Jimjitlik

Toʻxta xolaning oʻzi ham ohorli koʻylagini kiyib, oq doka roʻmolini oʻrab olgan. — I. Rahim, Chin muhabbat

ot ayn. Oh-afgʻon.

Oh-nola qilmoq.

Dadajon, rahmingiz kelmaydimi? Biz sizni sogʻinib, yuraklarimiz ezildi-ku, jon dadajon, deb qilgan oh-u nolalari yodiga tushdi. — Hamza, Tanlangan asarlar

sft. Maʼlum bir ohang yoki kuyga ega, maʼlum bir ohang, kuy bilan ifodalanadigan, chalinadigan, aytiladigan; ohangdor.

Bir turli, bir ohangli nafis, musiqaviy tovushlar kishining borliq vujudiga, qon tomirlariga ajoyib bir oʻzgarish bergan edilar. — A. Qodiriy, Oʻtgan kunlar

ot Mato ohorlovchi usta.

sft. Ohor berilmagan, pardozlanmagan; kraxmallanmagan.