шв. Офтобда қуритилган мевалар, масалан, майиз, туршак, қоқи.
Қидирув
«офтоби» бўйича 11 та натижа
Филтр
Луғат мақолалари
11 та
Изоҳли луғат
· яна 5 та луғатда
от 1. Қуёш, кун.
Одамнинг юзи офтобдан иссиқ. — Мақол
Офтоб чиқди оламга, Югуриб бордим холамга. — Фолклор
Палатага кирдик. Шу пайт офтоб яна булут остига кирди-ю, палатани шом қоронғилиги босди. — А. Қаҳҳор, Минг бир жон
2. Қуёш тарқатаётган нур; қуёш ҳарорати.
Танаси икки катта қулочга сиғмайдиган бир туп сада теваракка тангадай офтоб туширмайди. — Ойбек, Танланган асарлар
Устидаги гимнастёркаси ёмғирда ювилиб, офтобда ўнгиб, оқариб кетган эди. — И. Раҳим, Чин муҳаббат
Аям мени бундақа офтобда жизғинак бўлиш учун туққан эмас. — Ойбек, Олтин водийдан шабадалар
3. Қуёш нури тушиб турган, қуёш иситиб турган жой.
Офтобда исинмоқ. Текинга мушук ҳам офтобга чиқмайди. — Мақол
Умрида қармоқ ушламаган чоллар офтобда ўтириб, тўр ямашга тушишди. — А. Мухтор, Қорақалпоқ қиссаси
Кўм-кўк барглар орасида тизилиб, ғуч-ғуч бўлиб, офтобда садафдек ярқираб турган тутни кўриб, жувоннинг ҳам оғзи сув очди. — А. Қаҳҳор, Қўшчинор чироқлари
4. кўчма Ёритувчи, янгилик киритувчи, ўзгартирувчи.
Сизга ўхшаган аёлларимизнинг ҳар бири қора кун ичида ётган минглаб хотин-қизларимизнинг рўзғорига офтоб бўлиб кириб боришяпти. — С. Зуннунова, Олов
- Офтоби оламтоб
- Офтоб урмоқ Офтоб ҳароратидан касал бўлмоқ.
- (Орқасига) офтоб тегди Ёруғликка, рўшноликка чиқди; иши юришиб кетди. Мана энди мирзам оталиқ қилиб, ўрдадан бирор иш топиб берсалар, тақсиримга ҳам офтоб тегса ажаб эмас. — А. Қодирий, Меҳробдан чаён
Изоҳли луғат
· яна 1 та луғатда
от шв. Обдаста.
Момо айвонга етгач, офтобани ерга қўйди. — Ёшлик
Комил айвон олдида турган мис офтоба билан мис дашшани олиб, Саид афандининг қўлига сув қуйди. — Ҳ. Ғулом, Машъал
Мустафо супа четида турган офтобадан қўлини чайди. — М. М. Дўст, Галатепа қиссалари
Изоҳли луғат
· яна 3 та луғатда
сфт. Офтоб чиқиб турган, қуёшли.
Офтобли кун.
Баъзан офтобли кунлари Фразу Аннанинг ёрдами билан менинг ёнимдаги дераза рафига келиб ўтиради, ҳовлига қарайди. — А. Мухтор, Асарлар
от тар. Хонлар саройида хон, амир ва унинг меҳмонлари қўл юваётганда, уларга офтоба тутувчи лавозимли шахс.
Абдураҳмон офтобачи ва бир неча маҳаллий аъёнлар бирин-кетин шоҳсупадан жой олдилар. — Х. Султонов, Бир оқшом эртаги
Изоҳли луғат
· яна 1 та луғатда
сфт. 1. Қуёшга қараган, қуёш нури кўп тушадиган; кунгай.
Офтобрўя уй.
Озод сўрига яқинлашганда, хотини ишком тагидаги ўсмадан юлиб, офтобрўя ерга ташламоқда эди. — С. Маҳкамов, Бир жуфт дон
2. айн. Офтобчувоқ.
Чивинлар офтобрўяда ўтирган одамларни ғинғиллаб нотинч этишарди. — С. Айний, Қуллар
от Баҳорги, таъсир кучи кам, ёқимли офтоб.
Изоҳли луғат
· яна 1 та луғатда
сфт. 1. Қуёшга топинувчи, қуёшга сажда қилувчи.
2. шв. Кунгабоқар.
от айн. Офтобчувоқ.
Боланинг кўзи Тўхта холанинг дарвозаси олдида бошини оёқлари орасига буркаб, офтобшувоқда ётган ола мушукка тушди-ю, таққа тўхтади. — Қ. Кенжа, Тоғ ёʻлида бир оқшом
от Қуёшга топиниш, қуёшга сажда қилиш.
арабчаلا تتعرض للشمس, Laa tata arrad lishshamsрусчаНе бывайте на солнцеинглизчаDon’t stay under sun!