Qidiruv

ot 1. Oʻyib, tikib, toʻqib yoki boʻyoq bilan ishlangan gul, bezak.

Nafis naqshlar bilan bezatilgan bino.

Gavhar oyna ustiga solingan katta bir oʻyma naqsh oldida Mahkamni toʻxtatdi. — P. Qodirov, Uch ildiz

2. koʻchma Koʻrk, ziynat.

Odam borki, odamlarning naqshidir, Odam borki, hayvon undan yaxshidir. — Maqol

Mehnat bizda sharaf, mardlik ishidir, Mehnat fazilatdir, insonning naqshi. — E. Rahim, Yangi qadam

sft. Naqshi bor. naqsh bilan bezatilgan.

Naqshli darvoza.

sft. Naqsh solingan, naqsh bilan bezatilgan, naqshlangan; naqshli, naqshinkor.

Shipi sharqcha naqshdor uy, naqshlari eskirib, rangi xiralangan, lekin hali diqqatni tortarli holda. — Oybek, Tanlangan asarlar

Bir gal Davlatyor bilan Elmurod qishloq oralab ketayotganlarida, bir naqshdor darvoza ochildi-yu, ozgʻin bir yigit ot yetaklab chiqdi. — P. Tursun, Oʻqituvchi

ot 1. ayn. Naqshdor.

Olimxon ellikboshining koʻnglidagiday ziyofat: jihozlarga boy, goʻzal, naqshkor mehmon-xonada oʻtiradi, yana dongdor boyvachcha bilan suhbat! — Oybek, Tanlangan asarlar

2. ayn. Naqqosh.

Naqshkor usta.

ot ayn. Naqshdor.

Osmonoʻpar binolar, naqshband maʼmuriy idoralar, hashamatli madaniyat saroylari koʻzni qamashtiradi. — Gazetadan

Toʻrda naqshband ark. — M. Ismoiliy, Fargʻona tong otguncha

sft. ayn. Naqshdor.

Naqshinkor uy. Naqshinkor koʻza.

Xonaning toʻrt tomonidagi naqshinkor javonlar kitobga liq toʻla edi. — O. Yoqubov, Diyonat

fl. Naqsh bermoq, naqsh bilan bezamoq.

Devorlarni naqshlamoq.

Bu yerda sersavlat bir kishi klub devorini naqshlayotgan ustalarning hunariga mahliyo boʻlib turardi. — Gazetadan

fl. koʻchma Saqlanib qolmoq, muhrlanmoq.

Bularning hammasi goʻdak xotirangda naqshlanib qolgan boʻlsa ajab emas. — K. Yashin, Hamza

Bir zum qarash bilan yurakka naqshlangan uning chehrasini yana koʻz oldida jonlantirishga tirishdi. — Oybek, Tanlangan asarlar

fl. Naqshlamoq feʼlining orttirma nisbati.

ot Tasavvufning 14-asrda asos solingan tariqatlaridan biri.

Naqshbandiyada odamning sadri uning mansabi, boyligi bilan emas, maʼnaviy komilligi bilan oʻlchanadi. — Gazetadan

ot ayn. Naqshbandiya.

Alisher Navoiy naqshbandiylik asoslarini sanoat tariqi deb ataganlar. — Gazetadan

Bahouddin Naqshband, Muhammad binni Muhammad Bahouddin an-Naqshbandal-Buxoriy (koʻproq Bahouddin yoki Xoja Bahouddin, Balogardon, Xoʻjai Buzruk, Shohi Naqshband nomlari bilan mashhur) (1318–1389) — mashhur avliyo, naqshbandiya tariqatining asoschisi.

sft. Koʻp naqsh solingan yoki oʻyib chizilgan; juda koʻp naqshli.

Mehmon sernaqsh darvoza oldiga yetib kelgach, mis halqani taqillatdi. — M. Osim, Karvon yoʻllarida

Kurkam, sernaqsh cholgʻu sozandaga ilhom, ehtiros baxsh etishini yaxshi tushunadi usta. — Guliston

oʻzbekchaQoʻshtirnoqqozoqchaНегізгі мағынаturkmanchaGoşadyrnakruschaКавычки