сфт. 1. 1 Гўзал ва нозик, латиф.
Нафис газлама.
Шамол нафис япроқларни узади, ҳавода, эркинликда бирпасгина улар билан ўйнашиб, эркалаб, сўнг ерга ташлайди. — Ойбек, Қуёш қораймас
Унинг [Кумушнинг] нафис қора сочлари орқа-ўнгига тўзғиб, ажиб бир манзара бердилар. — А. Қодирий, Ўтган кунлар
2. Нозик ва ёқимли.
Икковининг кўзларида эҳтирос чақмоқ чақар, улардан гўё баҳор гулларининг нафис ҳиди анқирди. — С. Анорбоев, Оқсой
3. Бадиий жиҳатдан жуда юксак, гўзал ва нозик.
Нафис иш.
Шоирнинг нафис шеърлари ҳозир унинг учун тузсиз сўзлар йиғиндисидан бошқа бир нарса ҳам эмас эди. — А. Қодирий, Ўтган кунлар
4. эск. айн. Бадиий.
Ўртоқ Бақоев ўйлаб туриб сўради: — Нафис адабиёт дарсини сизларга ким беради? — А. Қаҳҳор, Адабиёт муаллими