Hayot Foundation лойиҳаси
Лойиҳа ҳақида
Ўз
Ўз

Қидирув

«мулоҳазасиз» бўйича 8 та натижа

Филтр
Луғат тури
Изоҳли Таржима Терминологик
Тилдан
Ўзбекча Инглизча
Тилга
Ўзбекча Русча Инглизча Қорақалпоқча Немисча Франсузча Арабча Туркча

← Барча натижалар

Луғат мақолалари

8 та
мулоҳазасиз
Изоҳли луғат · яна 4 та луғатда

сфт. 1. Мулоҳаза қилолмайдиган, мулоҳаза юритолмайдиган, ўйламасдан иш қиладиган; бемулоҳаза.

Мулоҳазасиз киши.

2. Мулоҳаза қилмасдан, ўйламасдан қилинган, айтилган.

Мулоҳазасиз гап. Мулоҳазасиз иш.

Тўлиқ мақола →
мулоҳаза
Изоҳли луғат · яна 8 та луғатда

от 1. Фикран муҳокама юритиш, ўйлаш; ўй.

Биз уч оиланинг бир-бирига ўхшамаган қисмат-тақдири ҳақида мулоҳаза юритдик, вафодорликни улуғлаб, бевафоликни ранж билан қаламга олдик. — Газетадан

Унинг [эшоннинг] узоқ мулоҳазадан кейин бир фикрга келган кишидек кўзлари маъноли қисилди. — С. Аҳмад, Ҳукм

2. Бирор масала юзасидан билдирилган ёки ўйлаб қўйилган фикр.

Иқтисодий масалага доир мулоҳазалар. Ўз мулоҳазасини баён этмоқ.

Аҳмад Ҳусайн қулдан бадтар ожиз, забун, ҳамиша тақдирга итоаткор, ғирт саводсиз бу деҳқоннинг мулоҳазаларига ҳайрон қолди. — Ойбек,Нур қидириб

3. айн. Андиша 1.

Мулоҳаза билан иш қилмоқ.

Ҳосилот ота Комилжонни койиб бермоқчи ҳам бўлди, тағин раис бу воқеадан хабардордир, деган мулоҳаза билан индамади. — Р. Файзий, Чўлга баҳор келди

  • Мулоҳаза юритмоқ айн. мулоҳаза қилмоқ Ўроқов садоқат ва дўстлик тўғрисида узоқ, узуқ-юлуқ, аммо баландпарвоз мулоҳазалар юритди. — Й. Шамшаров, Тошқин
  • Мулоҳаза қилмоқ 1. 1) фикран муҳокама юритмоқ, ўйламоқ. [Элмурод] Бир гапни айтишдан илгари ўзича мулоҳаза қилиб кўрар эди. — П. Турсун, ЎқитувчиУ [Элмурод] энди бўйни қисиқ етим эмас. Энди унга мулоҳаза қилиб ўтиришдан кўра бор гапни шартта айтиб, кўнгилни хижолатдан бўшатиш осонроқ. — П. Турсун, ЎқитувчиЙигиталига бу малол келса-да, очиқ айтишга мулоҳаза қиларди. — Т. Малик, Ажаб дунё
  • Мулоҳазага бормоқ айн. мулоҳаза қилмоқ Улар ортиқча мулоҳазаларга бориб турмасдан, шу замоноқ ўпардилар мен ўзимни тутдим. Ойдин, — Ҳикоялар
Тўлиқ мақола →
мулоҳазасизлик
Изоҳли луғат · яна 3 та луғатда

от 1. Мулоҳазасиз тарзда иш кўриш, иш юритиш.

Оқсоқ дарвиш Бузрук Эшоннинг мулоҳазасизлигига таъби тирриқ бўлган эди. — К. Яшин, Ҳамза

2. Мулоҳазасиз қилинган иш, айтилган гап.

[Юсуфбек ҳожи:] Жуда тўғри айтасан, ўғлим, бироқ онангнинг бир мулоҳазасизлигига бошдаёқ мен лабимни тишлаб қолган эдим. — А. Қодирий, Ўтган кунлар

Тўлиқ мақола →
мулоҳазали
Изоҳли луғат · яна 5 та луғатда

сфт. 1. Мулоҳаза билан иш қилувчи, ўйлаб иш тутувчи, мулоҳаза юрита олувчи; андишали.

Мулоҳазали одам,

[Директор:] Абдусамад, менингча, ўғлингиз мулоҳазали бола, у ўз ёʻлини топиб олади. — О. Толипов, Ким айбдор?

Мирзамуҳаммад Расулович етти ўлчаб бир кесадиган, мулоҳазали, синчков, зукко одам эди. — Ф. Мусажонов, Ҳиммат.

2. Мулоҳаза натижасида вужудга келган, ўйлаб қилинган, айтилган.

Фандан йироқ одамлар улардан ажабтовур гаплар, мулоҳазали фикрлар кутадилар. — Газетадан

Тўлиқ мақола →
мулоҳазакор

сфт. айн. Мулоҳазали 1.

Пўлатов яхши кўради: ақлли, вазмин йигит мулоҳазакор. — М. Ҳазратқулов, Журъат

Ҳайдаров ўзини мулоҳазакор одам ҳисобларди. — А. Мухтор, Бўронларда бордек ҳаловат

Тўлиқ мақола →