ot 1. Oldindan koʻzlab, oʻylab qoʻyilgan ish, narsa; reja.
Bu yilgi moʻljal — gektaridan 45 sentnerdan.
Ravshanning moʻljali — bir kecha tunash, tong otmay Zubayda bilan xayrlashadi. — Yoshlik
Hozir ham havoning avzoyi buzildi-yu, moʻljaldagi ishini tugatolmay, diqqati oshdi. — S. Karomatov, Oltin qum.
2. Chama, taxmin.
Latofatning moʻljalida Shahob bugun komandirovkadan qaytgan boʻlishi kerak edi. — L. Tojiyeva, Mehrim sizga, odamlar.
Moʻljalimda Xalachga kechga yaqin kirib borsak ehtimol. — Mirmuhsin, Meʼmor
3. Nishonga olingan yoki olinadigan narsa; nishon, qora.
Moʻljalga urmoq.
Pulemyot ogʻzidan tinimsiz uchib borayotgan oʻqlar toʻppa-toʻgʻri moʻljalga borib tegar qalin shoxlarni sindirib oʻtardi. — A. Rahmat, Ellik bir bahodir
- Moʻljal qilmoq ayn. moʻljallamoq Tosh-poʻlatov bu masalani ertadan qoldirmay uzil-kesil hal qilish va shu hafta ichida oʻqishni boshlab yuborishni moʻljal qilib qoʻydi. — R. Fayziy, Choʻlga bahor keldi
- Moʻljalga olmoq 1. 1) erishish, oʻziniki qilishni rejalashtirmoq, oʻylamoq. Moʻljalga olib, tayyorlab qoʻyilgan yer bor edi, qoʻldan ketdi. — R. Fayziy, Choʻlga bahor keldiMeni arosatda qoldirish payidamikan yo? Ijrokom raisligini moʻljalga ola-yotgan boʻlsa-chi? — J. Abdullaxonov, Xonadon;Qultoyning chap qoʻli bilan moʻljalga olib, boshi aralash bir zarb urishidan ham oʻzini yoʻqotmadi. — A. Muxtor, Boʻronlarda bordek halovatTo u qoʻltiq-tayoqqa suyanib, moʻljalga olguncha, oʻrdak uchib ketar, quyon iniga yetib boʻlardi. — S. Ahmad, Ufq