ot 1. Biror aniq vazifani bajarish yoki alohida maxsus chora-tadbirlar oʻtkazish uchun tashkil etilgan organ; shunday ishlarga vakolati boʻlgan shaxslar guruhi.
Taftish komissiyasi. Sanoq (hisob) komissiyasi. Yubiley komissiyasi. Qabul komissiyasi. Saylov komissiyasi.
Paxtalarimiz holini koʻrib, baho berish uchun komissiya chiqaringiz. — A. Qodiriy, Obid ketmon
2. Bir tomon (komissioner)ning boshqa tomon (komitent) topshirigʻiga koʻra maʼlum haq evaziga uchinchi shaxs bilan oʻz nomidan, lekin komitent hisobidan uning manfaati yoʻlida tuzgan shartnomasi.
3. Shunday bitim tuzganlik uchun toʻlanadigan haq (tuzilgan bitim summasining avvaldan belgilangan foizi miqdorida).