Qidiruv

ot 1. Oʻsib turgan oʻt-oʻlan; oʻt-oʻsimlik.

Qoʻylarning barra koʻkatlarni oʻtkir tishlari bilan jodiday qirqib pishillashlari, qoʻzilarning onalarini qidirib maʼrashlari atrofni bosdi. — S. Anorboyev, Oqsoy

Mansur tizza boʻyi koʻkatlar ustida choʻnqayib oʻtirar hech nimani koʻrmas edi. — Oʻ. Hoshimov, Qalbingga quloq sol

2. Ovqatga qoʻshib yeyiladigan (kashnich, ukrop kabi rezavor) oʻsimliklar; oshkoʻk.

Xushboʻy mevalar, ayniqsa koʻkatlar, turli nav sabzavotlar juda moʻl yogʻildi. — Oybek, Nur qidirib

Koʻkat rastasi, qovun bozor, hoʻl meva, quruq meva rastalarini koʻrib, yon koʻchadan pastladik. — Mushtum

ot shv. Koʻngil, dil.

Bu gaplarni koʻkayingga keltirma, Xush kelibsan ona manzil, ona joy. — Yusuf va Ahmad

[Qorasochning] qiyiq koʻzlari qizday qiliqli yigitlarning ham koʻkayida tugʻyon qoʻzgʻatar edi. — T. Sulaymon, Qorasoch

Avazxon buni oʻldirib, koʻkayi oʻsib, koʻtarilib, otidan tushib, yayov boʻldi. — Malikayi ayyor

ot Tropik oʻsimlik (koka) bargidan olinadigan alkaloid, kuchli narkotik modda (tibbiyotda badanni ogʻriq sezmaydigan qilish uchun ishlatiladi).

1985 yili vrach Peolo Mantagats kokain alkaloidini ajratishga muvaffaq boʻldi. — Fan va turmush

Masalan, kokain biror yerga surtilsa, oʻsha joyning oʻzginasini sezgisizlantiradi. — Fan va turmush

oʻzbekchaQoʻqon sh.ruschaг. Коканд

ruschaкокарда, эмблема, значокinglizchabadge

ot Lochinlar oilasiga kiruvchi yirtqich qush.

fl. 1. Oʻt-oʻsimlik yoki barglar bilan qoplanib, koʻk, yashil tusga kirmoq.

Bahor keldi, dalalar koʻkara boshladi.

Giyoh unmagan choʻllar mehnatkashlar qoni baravariga yam-yashil koʻkargan edi. — A. Qodiriy, Mehrobdan chayon

2. Unib-oʻsmoq, amal olmoq; koʻklamoq (oʻt-oʻsimliklar haqida).

Ekin yaxshi koʻkardi.

Churuk boʻgʻotlari osilgan eski uylarning tomlari chetida maysalar koʻkardi. — Oybek, Tanlangan asarlar

Bogʻ brigadasidagi kishilar butun yoz boʻyi ularni parvarish qildi, qaradi. Lekin olmalar koʻkarmadi. — Gazetadan

3. koʻchma Rivoj topmoq; oʻsib-unmoq, oʻsmoq.

Daraxt bir joyda (yerda) koʻkaradi. — Maqol

Yer olgan koʻkaradi, yer sotgan quriydi. Mana bu gapning magʻzini chaq! — Oybek, Tanlangan asarlar

Birovning koʻkarganini koʻra olmaydigan gʻalamisga oʻxshaydi. — S. Nurov, Narvon

4. Qattiq zarb, sovuq yoki boshqa biror sabab taʼsirida koʻk-qoramtir tusga kirmoq (badan, yuz rangi haqida).

Bolaning qoʻllari sovuqdan koʻkarib ketibdi.

Koʻkarib ketgan oyoqni koʻrib, Polvonning rahmi keldi. — J. Sharipov, Xorazm

Boʻtavoy jahldan koʻkarib soʻkinar, paranjisi yelkasiga tushib ketgan Eshon aya ovozining boricha dod solib, uni qargʻardi. — S. Ahmad, Hukm

5. Aynib, buzilib, koʻkka moyil tus olmoq.

Goʻsht koʻkarib qolibdi.

Koʻkarib ketgan bu sassiq suvda bijillab yotgan har xil qurtlar tushgan yerida bir-ikki qilpanglab, darrov oʻlardi. — M. Ismoiliy, Fargʻona tong otguncha

ot Koʻkatlar oldi-sotdisi bilan shugʻullanuvchi odam.

ot Koʻkatlar bilan qoplangan joy, maydon.

n Coca-cola

fl. s.t. ayn. Koʻkartirmoq.

ot Oʻsib, koʻkarib turgan oʻt-oʻsimlik, daraxtlar bilan qoplangan joy.

Buloq atrofidagi koʻkalamzor esa jazirama issiqlarda ham soʻlmaydi, qishin-yozin oʻlmaydi. — P. Qodirov, Uch ildiz

Boʻzerlarga suv chiqadi, qishloq atrofi, taqir-boʻz yerlar koʻkalamzor, ekinzor boʻladi! — M. Ismoiliy, Fargʻona tong otguncha.

fl. Koʻkarmoq feʼlining orttirma nisbati.

sft. Tez koʻkarib (ildiz otib) ketadigan (oʻsimlik haqida).

ot Koʻkatchi ish-faoliyati.

fl. Koʻkartirmoq feʼlining majhul nisbati.

Anpflanzung von Grünflächen

fl. Bilinar-bilinmas boʻlib koʻkarmoq (odatda teri rangi haqida).