Hayot Foundation лойиҳаси
Лойиҳа ҳақида
Ўз
Ўз

Қидирув

«кўчалик» бўйича 15 та натижа

Филтр
Луғат тури
Изоҳли Таржима Терминологик Фразеологик
Тилдан
Ўзбекча Туркча
Тилга
Ўзбекча Русча Инглизча Қорақалпоқча Немисча Арабча Туркча

← Барча натижалар

Луғат мақолалари

15 та
кўча
Изоҳли луғат · яна 7 та луғатда

от 1. Аҳоли яшайдиган жойларда ёʻловчилар ўтиб турадиган, транспорт қатнайдиган ёʻл.

Навоий кўчаси. Собир Раҳимов кўчаси.

Чиннигул кўчанинг бир томонидан, энсизгина асфалт тротуардан шошмасдан борар эди. — С. Зуннунова, Кўк чироқлар

Тўхта хола кўчада узоқдан бирин-кетин келаётган икки кишининг қорасини кўрди. — И. Раҳим, Чин муҳаббат

Ёр юрган кўчаларни супурай сочим билан. — Қўшиқлар

2. Умуман, ёʻл.

Ҳали мажлис, ҳали ҳаммом қурилиши, ҳали кўчага шағал ётқизиш дейди. — Гулдаста

Қир кўчадан тушгунча сурнай овози чиқмади. — С. Сиёев, Ёруғлик

3. Яшаш, туриш жойидан ташқари бўлган жой, очиқ майдон (уй, ҳовлига нисбатан).

Уйида роҳати ёʻқнинг кўчада фароғати ёʻқ. — Мақол

Ошинг ҳалол бўлса, кўчада ич. — Мақол

Қишнинг охирги кунлари кўчада қора совуқ билан изғирин юрар эди. — А. Қодирий, Меҳробдан чаён

Ибн Ямин бир куни кўчадан ҳориб-толиб, тажанг бўлиб келди-да хотини билан айтишиб қолди. — К. Яшин, Ҳамза

  • Кўча боласи Умумий таълим-тарбиядан четда қолган бола. Ўтир бу ёққа! Хўш, сен нима учун кўча болаларига ўхшаб ахлоқсизлик қиласан! А. Қаҳҳор, Айб кимда?
  • Кўча эшик Кўчага чиқиладиган (кўчадан кириладиган) эшик. Кўча эшикдан кириши билан акаси тағин жаҳлини чиқара бошлади. — Ў. Ҳошимов, Қалбингга қулоқ сол
  • Кўчада қолган Ташлаб қўйилган, кераксиз. [Муаттар:] Бугундан қолмай кўчингни кўтар! Олти ойдан бери касал боқамиз. Кўчада қолган нонимиз ёʻқ. — Н. Сафаров, Шарқтонги
  • Кўчасига кирмоқ Бирор нарса қилиш пайига тушмоқ, дахл қилмоқ, машғул бўлмоқ. Аблаҳ Тиллабойга энди ишонч қолмабди. Чамамда, феъли айнаб, хиёнат кўчасига кирганга ўхшайди. — П. Турсун, Ўқитувчи
  • Кўчасидан ўтмоқ Бирор иш ёки ҳаракат билан шуғулланмоқ; машғул бўлмоқ. [Муҳаббат:] Турғунжон ака, қўйинг, мен бир умримда савдо кўчасидан ўтган бўлмасам, мени мажбур қилманг. — Н. Сафаров, Ҳаёт мактаби
  • Оёғим (ёки кавушим) кўчада қолгани ёʻқ Давранинг тўрида эдим, оёғим кўчада қоптими, деб унча-мунча тўйга бормасдим. — А. Мухтор, Қорақалпоқ қиссасиЎзбек ойим унча-мунча тўй-у азаларга Кавушим кўчада қолган эмас, деб бормас эди. — А. Қодирий, Ўтган кунлар
  • Хоҳламасанг (ёки истамасанг) — катта кўча Хоҳламасанг, истамасанг, билганингни қил, хоҳлаган ерингга кетавер; тўрт томонинг қибла.
Тўлиқ мақола →
кўчат
Изоҳли луғат · яна 5 та луғатда

от 1. Уруғ ёки қаламчадан ўсиб чиққан ёки ўстирилган ва бошқа жойга олиб ўтқазиладиган ниҳол.

Олма кўчати. Тут кўчати. Райҳон кўчати. Помидор кўчати. Атиргул кўчати. Кўчат ўтқазмоқ.

Мана шу анжирнинг кўчатини [раисимиз] Оққўрғондан олдириб келди. — А. Қаҳҳор, Картина

Бу ойнинг яна бир гўзал фазилатларидан бири шуки, бу даврда кузги кўчат ўтқазиш қизғин паллага киради. — Газетадан

[Анвар] Болаларнинг дараги билан ҳар кимнинг уйида бўлган янги гуллардан кўчат ва уруғ олиб, йилдан-йилга гулзорни бойитди. — А. Қодирий, Меҳробдан чаён

2. Умуман, ёш ниҳол.

Кўм-кўк ғўза кўчатлари, офтобда ёйилган тамаки баргларидек, орқама-орқа тизилишиб турарди. — Газетадан

Тўлиқ мақола →
кўча-кўй
Изоҳли луғат · яна 1 та луғатда

от Кўча ва умуман уй-ҳовлидан ташқари бўлган жойлар.

[Ёʻлчининг] Ҳақимни еб кетди бой, деб кўча-кўйда бойни қоралаб юрганлигини [Салимбойваччага] айтди. — Ойбек, Танланган асарлар

Бу боланинг кўча-кўйда саланглаб юриши яхши эмас. — Э. Раимов, Ажаб қишлоқ

Тўлиқ мақола →
кўчатзор
Изоҳли луғат · яна 4 та луғатда

от Кўчат ўтқазиб қўйилган, кўчат етиштириладиган жой, майдон.

Уруғ кўчатлар чиқариш — баргли дарахтлар юзасидан колхоз кўчатзорларида — 500 минг туп ва давлат кўчатзорларида 600 минг туп. — Газетадан

Тўлиқ мақола →
кўчатхона
Изоҳли луғат · яна 1 та луғатда

от Кўчат етиштириладиган хона; иссиқхона, парник.

Келгуси йилларда ҳар бир хўжаликнинг ўзида кўчатхоналар барпо қилмоқчимиз. — Газетадан

Тўлиқ мақола →
Кўчар блок

ўқи юк билан бирга кўтариладиган ва тушадиган блок. Бундай блок кучдан икки марта ютуқ беради.Подвижный блок — блок, ось которого поднимается и опускается вместе с грузом. Подвижный блок даёт выигрыш в силе в два раза.

Тўлиқ мақола →
кўчатчилик
Изоҳли луғат · яна 2 та луғатда

от Кўчат етиштириш, хўжаликнинг кўчат етиштириш билан шуғулланувчи соҳаси.

Косон кўчатчилик хўжалигидаги лагерларда 200 бола дам оляпти. — С. Нуров, Оддий бир кун

Тўлиқ мақола →