Qidiruv

rvsh. 1. Shu yoki oʻsha tobda emas, maʼlum vaqt oʻtgach; soʻng.

Shu kitobni keyinroq oʻqiyman.

Boyvachchaning kimligini keyin aytaman. — K. Yashin, Hamza

Xoʻp, hozir taqmasang, choʻntakka sol, uyingga yashir, keyin taqasan. — Oybek, Tanlangan asarlar

Qaltis yiqilib, biron joyi mayib boʻlgan kishi buning ogʻrigʻini oʻsha tobda emas, keyin bilgandek, Sidiqjon bu mojaroning butun dahshatini shu kechasi koʻrpaga kirganidan keyin biladi. — A. Qahhor, Qoʻshchinor chiroqlari

2. Avvalgisining ketidan; soʻng, soʻngra.

Madaminxoʻja dasturxon soldi, non ushatdi, keyin kattakon bir gurskettini keltirib, pichoq tortgan edi, qovun qars etib yorildi. — M. Ismoiliy, Fargʻona tong otguncha.

Charos yana yigʻlab yubordi. Keyin koʻz oʻngi qorongʻilashib, hech nima koʻrinmay qoldi. — Oʻ. Hoshimov, Qalbingga quloq sol

3. ayn. (egalik va kelishik shakllari bilan: keyiniga, keyinida) orqa (orqasiga, orqasida), ket (ketiga, ketida).

Dushman yurar mard oʻgʻlonning keyinidan. — Oysuluv

Tuya, odati boʻyicha, quduqdan chekkaga qarab yurdi, keyinidan jun arqon tortilib borardi. — K. Yashin, Hamza

Aqliraso bolalarim biladi: Oʻqimagan nari, keyinda qolar. — Fozil Yoʻldosh oʻgʻli

4. krsh. s. Bundan tashqari, shuning bilan birga, shuningdek; yana.

Agar [qovun] yaxshi boʻlsa, xalq yeb, sizni duo qiladi, men oʻzim yemayman. Keyin, kim biladi, bir palakdan har xil qovun yetishadi Uch soʻlkavoy beraman, xoʻp deng. — Oybek, Tanlangan asarlar

5. koʻm. vzf. (ch. k. bilan) Soʻng, ketidan, tugagach, oʻtgach.

Hammadan keyin. Ishdan keyin. Ovqatdan keyin. Kun botgandan keyin.

Hammaga zehn solib oʻtirgan Safarov Boʻtaboy akadan keyin oʻshanga [Roʻzimatga] soʻz berdi. — A. Qahhor, Qoʻshchinor chiroqlari

Sidiqjon ovqatdan keyin qoʻliga gazeta olgan edi, bir maqolani yarimlatmasdan, koʻzi suzildi. — A. Qahhor, Qoʻshchinor chiroqlari

6. bogʻl. vzf. (ch. k. bilan) Sabab yoki payt ergash gapni bosh gapga bogʻlash uchun xizmat qiladi va sabab, payt munosabatini bildiradi.

Qoʻl kalta boʻlgandan keyin, qayoqqa uzatasan? — Oybek, Tanlangan asarlar

Yorugʻ dunyodan umiding boʻlmagandan keyin, darchang qiyshiq turdi nima boʻldi-yu, toʻgʻri turdi nima boʻldi. Bunaqa narsalar orzu-havasga bogʻliq. — A. Qahhor, Qoʻshchinor chirshugari

Bu ishlar bir qadar bitgandan keyin, Sidiqjon onasini olib kelgani Bahrobodga bordi. — A. Qahhor, Qoʻshchinor chiroqlari

adv behind, from behind, the lastest

sft. 1. Ketma-ketlikda oldingidan keyin turuvchi, navbatdagi.

Oldingi arava qay yoʻldan yursa, keyingi arava ham shu yoʻldan yurar. — Maqol

Raʼno keyingi misrani oʻqib, oʻylanib qoldi. — A. Qodiriy, Mehrobdan chayon

U [Yoʻlchi] koʻzlagan joyiga tezroq yetishga oshiqib, oʻtkinchilardan soʻrar edi: — Toʻpqayragʻochga yaqin qoldimi? — Hali bor. Koʻprikdan keyingi guzar. — Oybek, Tanlangan asarlar

2. Ket tomondagi, orqadagi.

Aravaning keyingi gʻildiragi. Otning keyingi oyoqlari.

Shoh [pashsha] keyingi oyoqlari bilan qanotining ustini siladi. — A. Qahhor, Bashorat

3. Oxirgi, soʻnggi.

Gʻulomjon keyingi vaqtlarda tanholikka mayl bogʻlab, mullavachchalar suhbatidan oʻzini tortadigan boʻlib qoldi. — M. Ismoiliy, Fargʻona tong otguncha

Keyingi yangi modellar ichida yoshlarning sport kostyumi boʻlib, bunga besh qirrali faxrli belgi berildi. — Gazetadan

4. Yaqinda paydo boʻlgan, yangi.

Toshkentlik mashhur bir boyning xasisligi haqida keyingi, hali hech kimning qulogʻiga chalinmagan latifalar suhbatga rang berib turar edi. — Oybek, Tanlangan asarlar

adv 1. afterward(s), later (on), subsequently

2. then, next

Keyinchalik.

Vaqt oʻtib, asta-sekin.

ot Maʼlum vaqt oʻtgach, keyingi vaqtlarda, kelgusida.

Keyinchalik bir gap boʻlar.

Sidiqjon keyinchalik harchand urinsa ham, bu toʻgʻrida qoridan boshqa gap ololmadi. — A. Qahhor, Qoʻshchinor chiroqlari

Chamasi, kasalxona yaqinidagi bu bozorcha oʻz-oʻzidan paydo boʻlgan, keyinchalik bir qator rasta qurilib, ustiga rangdor plastmassa shifer yopib qoʻyilgan edi. — Oʻ. Hoshimov, Nur borki, soya bor

Keyingi taʼsirqozoqchaКейінді ықпалturkmanchaAhyrky täsirruschaПоследующий эффект

Elektronlarning elektron-nur asbobda ogʻdiruvchi tizimdan keyin ekranning nur tarqatish yorqinligini va ogʻish boʻyicha sezgirligini oshirish uchun amalga oshiriladigan qoʻshimcha tezlanish.ruschaпослеускорение, Дополнительное ускорение электронов в электронно-лучевом приборе, осуществляемое после отклоняющей системы для увеличения яркости свечения экрана и чувствительности по отклонению.inglizchapostacceleration

Qoʻzgʻatish taʼsiri tugagandan keyin lyuminoforning elektromagnit nurlanish chiqarishi.ruschaпослесвечение, Испускание люминофорами электромагнитного излучения после прекращения действия возбуждения.inglizchaafterglow

Bu, oʻzagi tayanch tarmogʻi IP-tarmoq boʻlgan multiservis aloqa tarmogʻi boʻlib, u nutqni, maʼlumotlarni va multimediani uzatish bilan bogʻliq xizmatlarni toʻla yoki qisman integrallagan tarzda faoliyat koʻrsata oladi. Keyingi avlod tarmoqlarida, aloqa xizmatlarining konvergensiyasi prinsipi amalga oshiriladi.inglizchaNext Generation Networks (NGN)ruschaсети следующего поколения

позднее раскаяние — враг тебе самому, ≈ кусать локти