Қидирув

от 1. Янги турмушга чиққан ёки чиқаётган қиз.

Янги келинларнинг уйи одатда безатилган бўлади. — Ф. Мусажонов, Ҳиммат

Заргаров: Менга қаранг, ука Куёв билан келин менинг олдимда, ҳозир боради. Регистрация қилинг, бўлак гап ёʻқ — А. Қаҳҳор, Оғриқ тишлар

2. Ўғилнинг хотини (қайнота ёки қайнонага нисбатан).

[Фотима:] Мана шу Марасулни туққанимда, Шу ўғлим катта бўлса, хотин олса, келинимнинг ҳеч ишига аралашмайман, деб ният қилганман. Худо ниятимга етказди. — А. Қаҳҳор, Оғриқ тишлар

Қайнона-келин бир дақиқа чамаси кўришиб қолдилар. — А. Қодирий, Ўтган кунлар

3. Уканинг хотини (ака ёки опага нисбатан).

Зиёдилланинг ўз оиласида шу вақтгача содир бўлган кўнгилсиз ҳодисаларни ҳам, ўз келинининг бебош бўлиб кетганини ҳам ҳазм қила олмаслиги турган гап эди. — Ҳ. Ғулом, Машъал

4. Ўзидан ёш бўлган қариндош ёки яқин кишининг хотини ва шу хотинга мурожаат.

[Ганга] Ҳайдар ота аралашди: — Келин рост айтадилар. Менга қаранг, келин, ўртоғингиз менга сизни олиб келишни жуда тайинлаган. — А. Қаҳҳор, Асрор бобо

фл. 1. Юриш, учиш ҳаракати ёки транспорт воситалари билан сўзловчига қарама-қарши томон (жой)дан сўзловчи турган томонга, жойга ёʻл олмоқ, ёʻналмоқ; шу томондаги бирор жойга етмоқ; зид. кетмоқ, бормоқ.

Поезд келяпти

поезд келди.

Тошкентга меҳмонлар келяпти (меҳмонлар келди).

Кеча бир кампир телевизорни қолдираётиб: Тезроқ тузатиб беринглар, бугун-эрта неварам аскарликдан келади — деб илтимос қилган. — Т. Ашуров, Оқ от

кулранг шляпа кийган, қора кўзойнак таққан, гавдали бир киши ариқ ичидан Талъат билан ёнма-ён келарди. — Ў. Ҳошимов, Қалбингга қулоқ сол

Ёлғиз ўзим бир четда турган эдим, секин олдимга келди. — С. Сиёев, Ёруғлик

2. Сўзловчи бўлган, турган жойга ёки сўзловчи томондаги жойга етмоқ, шу жойда ҳозир бўлмоқ; зид. кетмоқ, жўнамоқ.

Ёз фасллари деҳқончилик қилади, саҳар кетиб, кеч келади. — М. Исмоилий, Фарғона тонг отгунча

Нимага келипти? қани бери келчи. Ярашгани келиптими? — А. Қаҳҳор, Қўшчинор чироқлари

3. Вақт маъноли сўз ёки сўз бирикмаси билан қўлланганда, шунингдек, вақт билан мантиқан боғлиқ нарсани билдирувчи сўз билан қўлланганда, шу сўз ёки сўз бирикмаси ифодалаган пайт, фурсат, замон ва шу кабиларнинг етганлигини, бошланишини билдиради, “бошланмоқ”, этиб келмоқ, этишмоқ маъносини билдиради.

Яхши замонлар келди. Сиз орзу қилган кунлар ҳам келади. Баҳор келди. Экин мавсуми келди.

Ўзи ҳам, пайти келиб, мана шу қизлардай дугоналари билан яйраб-яшнаб, қийқириб ўйнай олармикин? — Ў. Ҳошимов, Қалбингга қулоқ сол

Экин даврига ҳали бор экан, деб яна бир оз мизғиб уйғонсам, куз келибди. — Муштум

Ўзини кўрсатиб қўядиган фурсат келганини сезиб, дона-дона қилиб тушунтиришга киришди. — К. Яшин, Ҳамза

Бир қаришликдан дуторни севаман. Кўп чалаверма, бузилиб кетасан, — дер эди онам боёқиш, айтгани келди. — Ойбек, Танланган асарлар

4. Жўналиш келишигидаги айрим сўзлар билан қўлланганда, шахснинг шу келишикдаги сўз билдирган иш, нарса ҳодисада тўхташини, шундай нарса-ҳодиса юз беришини билдиради.

Бир тўхтамга келмоқ. Шундай хулосага келмоқ.

У ўяб-ўйлаб, бир фикрга келди шекилли, анча енгил тортиб: Хаҳ, шунчалик осон гап экан-а деб илжайиб қўйди. — К. Яшин, Ҳамза

Муқаддам анжомларини йиғиштириб бўлгунча, бир қарорга келди-ю, чақирди. — Ў. Ҳошимов, Қалбингга қулоқ сол

5. Жўналиш келишигидаги баъзи сўзлар билан қўлланганда, шу сўз билдирган иш, нарса-ҳодисага ўтиш, навбат шунга келганлик маъносини билдиради.

Энди Бўтанинг устидаги

анови гапга келсак, бу туҳмат гап. — С. Аҳмад, Ҳукм

Энди бояги ҳўкизга келайлик. — Чалпак ёққан кун

.пахтани нима учун кузда сотмай, ёзда сотаётганига келсак, бунинг тагида гап кўп. — М. Исмоилий, Фарғона тонг отгунча

6. Чиқиш келишигидаги айрим сўзлар билан қўлланганда, иш, нарса-ҳодисанинг шу келишик шаклидаги сўз билдирган шахс ёки нарса томонидан бўлишини (амалга ошишини) билдиради.

Сидиқжоннинг ранги бўзариб кетди — Бунака қўшмачилик сизлардан келади — А. Қаҳҳор, Қўшчинор чироқлари

Менимча, Қоратой ака, Шокир ота, бутун кулфатлар турмушнинг ёмон тузилганидан келади. — Ойбек, Танланган асарлар

7. Ўзи бирикиб келган сўз ифодалаган нарсанинг юзага келиши, юз бериши, қўзғалиши маъносини билдиради.

Раҳми келмоқ.

Ҳаваси келмоқ.

Завқи келмоқ.

Ғазаби келмоқ.

Ғайирлиги келмоқ.

Маҳмуданинг хўрлиги келиб, кўзида ёш ҳалқаланди. — Ў. Ҳошимов, Қалбингга қулоқ сол

Унинг [Кумушнинг] юзини ўпиб тушган сув томчилари билан ариқ ҳаракатга келиб чайқалди. — А. Қодирий, Ўтган кунлар

Кичик поччамнинг жуда иззатли бўлиб кетганига катта поччамнинг ғаши келади, лекин билдирмайди. — С. Сиёев, Ёруғлик

8. Ўзи бирикиб келган сўз билдирган ҳолатнинг бўлиши маъносини билдиради.

Ғолиб келмоқ.

Маъқул келмоқ.

Малол келмоқ.

[Отабек] Чиқиши билан нари эшикдан Содиқ ҳам кўриниб қолди-да, Отабек билан тўқнаш келди. — А. Қодирий, Ўтган кунлар

9. Нумератив сўзли бирикмалар таркибида эвази нумеративли сўзга эваз бўладиган миқдорни, шунга бериладиган (келадиган, олинадиган) нарсани билдиради.

Бу пулга уч метр атлас келади.

Косибнинг бир ҳафталик ишига бир халта дон келади. — Ойбек, Танланган асарлар

10. Қиёс мазмунли бирикмалар таркибида тенглик, шунча келиш маъносини билдиради.

Бир қоп картошка 100 кило келади.

Оёғини ёруққа тутган эди, худди бош бармоғининг тагида гугурт чўпидай келадиган тикан ёнламасига санчилиб турганини кўрди. — А. Мухтор, Опа-сингиллар

Кўзимни очсам, ўзимга иккита келадиган галварсдай йигит ерда думалаб ётибди. — С. Сиёев, Ёруғлик

11. -ган қўшимчаси шаклида (келган) чиқиш келишигидаги сўз билан қўлланиб, шу сўз билдирган белги, ҳолатга мойиллик, ўхшашлик маъносини билдиради.

Қорачадан келган.

Олдинги қаторда ўрта яшар аёл билан сийрак сочлари оқарган, тўладан келган киши ўтирарди. — Ў. Ҳошимов, Қалбингга қулоқ сол

Чекка сочларига оқ оралаган, бўйи ўртадан келган буғдойранг хотин аввал эрига салом берди. — М. Исмоилий, Фарғона тонг отгунча

Содиқ аканинг ёши қирқлардан ошган, ўзи қотмадан келган бўлиб, атрофдагилар билан тез тил топишиб кетар экан. — О. Мўминов, Хиёбондаги уч учрашув

12. 2-шахс буйруқ майли шаклида (кел, келинг) даъват, ундашни билдиради.

Кел, қўй, тангрининг молини шайтон қизғанади. Қани, олишиб ўтиринглар. — К. Яшин, Ҳамза

Кел, шуям бир қувонсин. — Ў. Ҳошимов, Қалбингга қулоқ сол.

13. Ёрдамчи феъл вазифасида

14. шв. 1) боғлама вазифасида бўлмоқ маъносида қўлланади.

Эшакнинг юки енгил келса, ётағон бўлар. — Мақол

Суциз сигир сузағон келар. — Мақол

От жонивор жуда эсли келади. — М. Исмоилий, Фарғона тонг отгунча. ;

15. 2) -ги қўшимчали феълнинг шахс-сон шакли (-гим, -гинг, -гиси) билан қўлланиб, истак-хоҳиш ифодалайди.

Кетгим келяпти.

Айтгиси келяпти.

Ёдгор ундан кўз узмай ўтираркан, негадир гаплашгиси келди шу топда. — О. Ҳошимов, Қалбингга қулоқ сол

Аҳмадларни тезроқ учратиб, шодлигимни баҳам кўргим келади. — С. Сиёев, Ёруғлик

16. 3) равишдошнинг -а(й), -(и)б қўшимчали шакллари билан қўлланиб, ҳаракатнинг ёʻлакай, давомли бажарилиши каби маъноларни билдиради.

Келишингда хабар ола кел. Хотираларни ёзиб келяпман.

Юнусали ота шу кунгача уларнинг борди-келди гапларига аралашмай чидаб келди. — С. Аҳмад, Уфқ

арабчаزوجة ابني, zawjatibniyрусчамоя невесткаинглизчаMy daughter-in-law

сфт. Келини бор; ўғлини уйлантирган.

Ахир ўғил уйлантириб, келинли бўлдингиз, янги келиннинг қўлини кўрсатай ҳам демайсиз! — А. Қодирий, Обид кетмон

от Келинга, келин даврига хос нарса ва шу кабилар

Келинлигида жуда гўзал эди.

Бу келинчак келинлик даврини суриш ўрнига сув ташиди, ҳовли супурди, кели туйди. — К. Яшин, Ҳамза

Офтоб ойимнинг: “Нега қирқ кокил қилмайсан?“ деб сўрашига: Қизингиз энди қизлик давридан ўтиб, келинлик даврига кирди деб кулди [Кумуш]. — А. Қодирий, Ўтган кунлар

[Нигоранинг] Келинлик либослари музга айланиб, баданини совитиб юборгандек бўлди — С. Аҳмад, Пойқадам

от 1. Аканинг хотини (ука ёки сингилга нисбатан).

[Нури]... тағин дадамга, акаларимга гапирманг бу сирни. Келинойиларим ҳам зинҳор эшитмасин. — Ойбек, Танланган асарлар

2. Ёши ўзидан катта бўлган қариндош ёки яқин кишининг хотини ва шу хотинга мурожаатни билдиради.

Агар шу гапларга қаттиқ ишонсанглар, Қумри келинойи, мен ҳовлингизда қололмайман [деди Онахон]. — А. Мухтор, Опа-сингиллар

[Унсин] Қаддини кўтариб, жасур боқди Шарофатхонга: — Келинойи, акам бировнинг томини тешиб қамалган эмас ё бировнинг ҳақини еган эмас. — Ойбек, Танланган асарлар

от Келин 1 сўзининг кичрайтириш-эркалаш шакли.

Элмурод билан Алексей ёʻл четида, чилдирмага мунгли қўшиқни жўр қилиб, келинчакни узатиб бораётган аёлларга қараб туришди. — П. Турсун, Ўқитувчи

Бир қаришликдан дуторни севаман. Бир қўшни келинчакдан ўрганган эдим. — Ойбек, Танланган асарлар

от айн. Келинтушди.

от этн. Никоҳ кунининг эртасига эрталаб келинни куёвнинг ота-онаси ва бошқа яқинларига салом қилдириш маросими.

Бунга ёр-ёр, ўлан, байт, келинсалом кабилар мансуб. — ЎТА

от этн. Келиннинг келиши ёки уни олиб келиш муносабати билан куёвнинг уйида бўладиган тўй, тантана, зиёфат маросими.

kelinpashsha

(букв. невесткой любуйся, когда она прибудет, а ее приданым, — когда разложит), ≈ цыплят по осени считают

Аналогия Смотри невесту, когда прибудет, а ее приданое — когда разложат., Не говори «гоп», пока не перепрыгнешь.

арабчаتعال بسرعة ta'al bi-sur'aрусчаПожалуйста, приходите скорей!инглизчаPlease, come faster!

Когда свекровь сердится на дочь — бранит невестку.

Говорю я дочери, а ты, невестка, слушай., Кошку бьют, а невестке наветы дают., Свекровь дочку бранит — невестке науку дает., Вам поют, а нам наветки дают.

[Жабборов:] Ҳомсан, синглим, хомсан! «Қизим, сенга айтаман, келиним, сен эшит!» деган мақол бор. Армияда биттасини ғазаблайди, мингтаси зириллайди. [Джаббаров:] Ты еще зелена, сестрица моя, зелена! Есть пословица, которая гласит: свекровь дочку бранит — невесте науку дает. В армии одного отчитают, а тысячи на этом науку получают. — И. Раҳим, Фидойилар.

сфт. шв. Ўғир.

Хотин жўхорини туйиб бўлди, уни келидан тоғорачага солаётиб дўнғиллади: — Ҳавасга анор ейди дейсиз, шекилли. — А. Қаҳҳор, Анор

Адолат ўғирдастани келидан олди-да, Қамчига дарвоза олдидаги аравани кўрсатди. — Ҳ. Ғулом, Машъал

Холдон момо ана шу майсаларни келига солди. — Т. Мурод, От кишнаган оқшом

1. Söz.КАЛОМ, СЎЗ

2. Allah'ın varlığını ve İslam dininin doğruluğunu konu edinen bilim.ИЛМИ КАЛОМ