Поиск

1. a joyless, mirthless, sad, melancholy, somber, boring, tedious, dull, tiresome, bored

2. adv boringly, tediously

ot 1. Ruhiy holat; kayfiyat.

Kayfi yaxshi. Kayfi chogʻ. Kayfini buzmoq.

Kambagʻal uchun oʻz haqini talab qilish ham qiyin. Chunki xoʻjayinning xursand va xursand boʻlmagan chogʻlari boʻladi. Oldin uning kayfini bilish kerak. — Oybek, Tanlangan asarlar

Darhaqiqat, mingboshi bugun tetik, kayfi joyida koʻrinardi. — M. Ismoiliy, Fargʻona tong otguncha

Ruzvon xola oʻzining qaygʻuli gaplari bilan oʻgʻlining kayfini buzib qoʻyganini payqab achindi. — A. Muxtor, Opa-singillar

2. Kishining yaxshi, yoqimli, huzur-halovatli holati.

Agar oʻz kayfingizdan kechsangiz, yaxshi bilingizki, bir emas, ikki jonni azobdan qutqargan boʻlasiz, onajon! — A. Qodiriy, Oʻtgan kunlar

Bir bechoraning sizning kayfingiz uchun azob emas, chekkan xoʻrligini oʻylab, har kuni bir qat etdan tushaman. — A. Qodiriy, Oʻtgan kunlar

3. Biror narsa taʼsiridan yuz beradigan yoqimli, koʻtarinki (rohatbaxsh) his-tuygʻu, hissiyot.

Kechalar kayfi, Oqshomlar fayzi. — M. Shayxzoda.

Yangi yerni obod qilishda oʻzgacha kayf bor. — Oybek, Oltin vodiydan shabadalar

Sheʼr kayfi kun boʻyi qildi betoqat. — S. Zunnunova.

Uning mayin, qoʻngʻiroqdek yangroq, shirali ovozi Hamzaga alohida kayf bagʻishladi. — K. Yashin, Hamza

4. Ichkilik va boshqa mast qiluvchi (kayf beruvchi) narsaning taʼsiri, taʼsir etish xususiyati.

Aroqning kayfi. Nashaning kayfi.

Afyunning kayfi qursin, domla, sizni odamgarchilikdan chiqarib qoʻyibdi. — H. Gʻulom, Mashʼal

Tantiboyvachcha kechagi bazm va ichkilik kayfini butun kun choʻzilgan uyqu bilan tiniqtirib, qoʻrgʻon eshigidan bogʻ tashqarisiga chiqdi. — Oybek, Tanlangan asarlar

Chinni kosa besh-olti bor qoʻldan qoʻlga oʻtgandan keyin, har ikkovining ham boshi xiyli ogʻirlashib, kayf gʻalaba qila boshladi. — H. Gʻulom, Mashʼal

5. Ana shu narsalar, uning kayfi taʼsirida (ichish, chekish va shu kabilar natijasida) yuzaga keladigan ruhiy holat; mastlik.

Besh-olti qadam narida kayf bilan aljirayotgan yigitlarning biri kelib, unga tegajaklik qildi. — S. Zunnunova, Koʻk chiroqlar

6. s. t. Umuman, kayf beruvchi narsa (nos, sigareta va boshqalar).

Qani, kayfdan oling (oddiy soʻzlashuvdan).

fl. Koʻngli gʻash boʻlmoq, taʼbi xira boʻlmoq; xafa boʻlmoq; avzoyi buzilmoq.

Domla Saidiyning shunday kayfsizlanganini bilmay, jerkiganimga xafa boʻldi deb, koʻnglini olmoqchi boʻldi. — A. Qahhor, Sarob

fl. Kayfsizlanmoq feʼlining orttirma nisbati.

sft. 1. Kayfi bor, mast.

Olma shoxida osigʻliq turgan chiroq yengil esgan shabadada tilini choʻzib olardi. Bu kayfli Valixonga xalq isyonini eslatdi. — Sh. Toshmatov, Erk qushi

2. Kayf beradigan, mast qiladigan, aql-u hushini oladigan.

Kayfli ichimlik.

3. koʻchma Bahridilni ochadigan, zavq-shavq bagʻishlaydigan, zavqli.

Kayfli manzara.

Oʻrdak, gʻozning kayfli yeri koʻl boʻlsin — Erali va Sherali

ot 1. Kishida ichki kechinma, intilish va shu kabilar bilan bogʻliq, uning taʼsirida yuzaga keluvchi holat, ruhiy holat.

Xushnud kayfiyat. Kayfiyati buzuq. Kayfiyati oʻzgarmoq.

Inson kayfiyati, uning ish natijasi mehnat sharoitiga koʻp jihatdan bogʻliqdir. — Gazetadan

Uning lablaridagi tabassum, dilida mavj urayotgan shodlik, visol daqiqalaridagina boʻladigan kayfiyat mening qalbimda bosh koʻtaray deb turgan oʻylarni uygʻotishga yoʻl qoʻymasdi. — O. Moʻminov, Xiyobondagi uch uchrashuv

Ogʻaynilar tushkunlikka tushmadilar. Quvnoq va tetik kayfiyatda xayrlashdilar. — Guldasta

2. Muayyan bir ichki intilish, kechinma, ruhiy holat va shu kabilar ifodalovchi, aks ettiruvchi holat.

Xotirjamlik kayfiyati. Bayram kayfiyati. Ishchanlik kayfiyati.

Ishchilar bilan soldatlar oʻrtasida qandaydir birdamlik kayfiyati sezilardi. — O. Rahimov, Shonli kunlar xotirasi

Bu bardamlik Yigitalini bir lahzada hamma narsaga beparvo qarash kayfiyatidan xalos qildi. — D. Nuriy, Osmon ustuni

3. Yaxshi, yoqimli vaziyat, holat.

Ularning kayfiyatiga kayfiyat qoʻsholgan boʻlsak, oʻzimizni baxtiyor hisoblaymiz. — Gazetadan

ot ayn. Kayf.

ot Mastlik (Biror narsaning sababi mastlik degan maʼnoni bildiradi).

Jon, doʻxtir, kayfchilik, ogʻzimdan chiqib ketibdi. — Shuhrat, Jannat qidirganlar

fl. 1. kam qoʻll. Taʼsirlanmoq, taʼsiridan huzurlanmoq.

Xotinining tirnoq ostidan kir izlab va daʼvosining isboti uchun gʻoʻldirashidan ortiqcha kayflangan Yusufbek hoji koʻziga chiqqan yoshlarni artar ekan, jiddiyat bilan oʻgʻliga dedi — A. Qodiriy, Oʻtgan kunlar

2. Kayf qilmoq, mast holatda boʻlmoq.

ot Kayfiyat, ahvol, hol-ahvol.

sft. Kayfiyati yoʻq; kayfiyati yomon.

fl. Kayflanmoq feʼlining orttirma nisbati.

n poor, low spirits

Бли ТК русскийомрачать ВПанглийскийto darken smth.немецкийtrüben A

Janjal hozir boʻlganlarning kayfiyatini (nimani?) buzdi.

Ссора омрачила настроение присутствующих (что?).

The quarrel darkened the mood of those present (what?).

Der Streit trübte die Stimmung der Anwesenden (was?).