Поиск

ot 1. Uzoq joylarga yuk va odam tashuvchi, izma-iz boruvchi hayvonlar, aravalar va ularni boshqaruvchi shaxslar toʻdasi, qatori.

Savdogarlar karvoni. Tuyalar karvoni. It huradi, karvon oʻtadi. — Maqol

Yillar davomida afgʻon yerida bitgan lojuvard jahonga dong taratgan, karvonlar uni mashaqqatli yoʻl yurib, uzoq Misr, Xitoy oʻlkalariga eltardi. — S. Karomatov, Oltin qum

Oʻshalar [badaviylar] ne-ne mashaqqatlar bilan hajga kelgan-ketganlarni talar ekan. Shuning uchun hojilar yakka-dukka yurishdan qoʻrqib, karvon boʻlib yurishar ekan — M. Ismoiliy, Fargʻona tong otguncha

2. Umuman, muayyan ish, maqsad yoʻnalishidagi transport vositalari toʻdasi, qatori.

Mashinalar karvoni. Kemalar karvoni. Paxta karvoni.

Harbiy karvon hamma toʻsiqlarni yanchib, Denovdan oʻtdi. — Sharq yulduzi

Qazuvchilar karvoni toqqa yaqinlashgan sari aravalarning gʻildiraklari tosh-shagʻallarda yana badtar gʻijirlay boshladi. — M. Ismoiliy, Fargʻona tong otguncha

3. koʻchma Koʻchish (yurish, uchish va shu kabilar) harakatidagi narsalar toʻdasi, qatori.

Koʻkda oq bulut karvonlari yalqov suzsa-da, quyosh hashamat bilan chaqnab koʻtarildi. — Oybek, Quyosh qoraymas

Tiniq osmonda turnalar karvoni argʻimchoq solib oʻtib ketdi. — S. Ahmad, Qadrdon dalalar

4. esk. Karvonni boshqaruvchi shaxs; karvonboshi.

Koʻpchilik lozim koʻrsa, karvon tuyasini soʻyar. — Maqol

5. s. t. Aravalarda yoʻlovchi yoki yuk, mol tashish bilan shugʻullanuvchi shaxs; aravakash.

Shoyunus karvonda yetti oʻgʻil bor. — Oybek, Tanlangan asarlar

— Bu hafta bizga yordamlashasiz-da, karvon, — dedi kulumsirab Toʻgʻon aka. — A. Qodiriy, Uloqda

ot ayn. Karvonsaroy.

ot 1. Savdo karvoni boshligʻi, karvonga boshchilik qiluvchi.

Savdogarlar tuyalarini yigʻib, yuklarini ortib, karvonboshiga tayyor boʻldik, deyishibdi. — Ertaklar

Karvonboshi — chaqmoq sallali, nazari sovuq odam — juda shoshardi, meshlarga suv toʻlatayotgan tuyakashlarni qamchilardi. — Yodgor

2. tar. Amirga qarashli tuya, ot, arava va shu kabilar turadigan saroyning boshligʻi.

3. tar. Yuk hayvonlari va aravalarni kira qilish ishlarida vositachilik qiluvchi dallol.

4. koʻchma. Birinchi oʻrinda boruvchi, boshida boruvchi; yetakchi, yoʻlboshchi; rahbar.

Hosildorlikni oshirish uchun bitmas-tuganmas imkoniyatlar borligini amalda isbot etgan karvonboshilardan biri ham shu yigit boʻldi. — Gazetadan

ot 1. Karvonlar qoʻnishi, tunashi uchun maxsus moslangan joy; saroy.

Karvonlar olib kelganini sotib, oladiganini olib yotdi. Shu vaqtda bir necha amaldor boj olmoqchi boʻlib, karvonsaroyga kelib qoldi. — Yodgor

2. s. t. Keldi-ketdi, kirdi-chiqdi koʻp boʻladigan joy, xonadonga nisbatan qoʻllanadi.

Xolisa yuvilgan qoshiqlarni qoʻyayotganda, barmogʻi tortmaga qisilib qoldi. Uh-uhlab, barmogʻini labiga bosdi: — Qurib ketgur, bu uy emas, karvonsaroy. — S. Nurov, Narvon

погов. собака лает, караван идет (проходит), ≈ собака лает, ветер носит

Собака лает, (а) караван проходит.*

— Har yerda fitna-fasod tuxumini sepmoqdalar! — gapga aralashdi bir qari, koʻzi zaif mansabdor. — Bizning elda bir yaxshi maqol bor, — dedi Navoiy tabassum bilan, — «it hurar, karvon oʻtar»! — Они всюду сеют семена смуты и беззакония, — вмешался в разговор пожилой чиновник с тусклыми, бесцветными глазами. — У нашего народа есть хорошая поговорка, — улыбаясь, сказал Навои. — Собака лает, караван проходит. — Ойбек, Навоий.

Большому каравану — большой путь.

sft. Shoshmasdan, bamaylixotir ish qiladigan; sekin qimirlaydigan, imillagan; sustkash.

Solijon — yigirma yoshlardagi daroz, ogʻir karvon, kamgap yigit. — S. Siyoyev, Otliq ayol

Samad Gʻaybarovning galatepalik bir toʻpori ekanidan xabarsizdek, manavi ogʻirkarvon qizni koʻrib, kulmasligini istaydi. — M. M. Doʻst, Galatepaga qaytish.