Hayot Foundation лойиҳаси
Лойиҳа ҳақида
Ўз
Ўз

Қидирув

«камол» бўйича 9 та натижа

Филтр
Бўлим
Луғатлар Эртаклар Шевалар
Луғат тури
Изоҳли Таржима Терминологик Фразеологик
Тилдан
Ўзбекча Инглизча
Тилга
Ўзбекча Русча Инглизча Қорақалпоқча Немисча Франсузча Арабча Туркча

← Барча натижалар

Луғат мақолалари

9 та
камол
Изоҳли луғат · яна 6 та луғатда

от 1. Ҳар жиҳатдан тўкислик; мукаммаллик, етуклик.

Камтарга — камол, манманга — завол. — Мақол

Етимлик айб эмас, инсон учун фазл-у камол лозим. — А.Қодирий, Меҳробдан чаён

Булар иккаласиям камтарлик камол келтиришини билишади. — С. Кароматов, Сўнгги бархан

дунёвий илмга ошна этадиган мактаблар очиб, фарзандларимизнинг камолини тиласак. — С.Сиёев, Аваз

2. Камол (эркаклар исми).

  • Камол топ(инг) ёки камолга ет(инг) Мамнунликни ва муваффақият, камолга эришиш тилагини билдиради. Камол топ, ука! Кўнглингга келмасин-у, Бўтавой, ақл ёшда эмас, бошда, деган одам билиб айтган. — А. Қаҳҳор, Қўшчинор чироқлари— Камол топинг! — деди Ҳасан сўфи хурсанд бўлиб. — М. Исмоилий, Фарғона тонг отгунча.
  • Камол топмоқ Етуклик даражасига эришмоқ, камолга эришмоқ. Камол топар одамзод, ўйишгани ҳақ бўлса. — Т. СулаймонГарчанд сочга қўнди бемаҳал қиров, Чиройинг, ироданг тополди камол. — Зулфия
Тўлиқ мақола →
камолот
Изоҳли луғат · яна 4 та луғатда

от 1. Етуклик, мукаммаллик.

Жисмоний камолот. Маънавий камолот.

Бунчалик камолот, айт-чи, кимда бор, Кимда бор бунчалик латофат, ҳусн. — А. Орипов

Спартакиада спортчиларимиз учун жисмоний камолот кўриги бўлди. — Газетадан

2. Юксалиш, ривож.

Ҳаким ўз сиёсий-маънавий ҳаётининг янги камолот босқичига кўтарилди. — Гулистон

Ҳа, у [Алимардон] камолот поғоналаридан тез, ишонч билан кўтарилиб борарди. — Ў. Ҳошимов, Баҳор қайтмайди

Шерали ҳам худди шу аҳволда, унинг учун инсоният камолотининг чўққиси — Сабогул! — С. Кароматов, Олтин қум

Тўлиқ мақола →
фазл-камолот
Изоҳли луғат · яна 1 та луғатда

от Ижобий хислат(лар) ва камолот, фазл ва етуклик, балоғат.

У ўз хўжасининг фазл-у камолотини тақдирлаб, унга хизмат қилишни ўзи учун бир шараф деб ҳисоблар эди. — Ойбек, Навоий

Тўлиқ мақола →
баркамол
Изоҳли луғат · яна 6 та луғатда

сфт. 1. Жисмоний ва ақлий жиҳатдан камолотга эришган, вояга етган.

Бўлган эди бир соҳибчирой, Ой сингари тўлин, баркамол. — Саодат

Бир Тўлғоной деган қизи бор эди, бу ҳам бўйи етиб, баркамол бўлиб қолган эди. — Ойсулув

Малика Оққизнинг шундай баркамол йигитга тегаётганидан ҳасад қилмасди. — М. Маҳмудов, Мангу куй излаб

2. кўчма Етукликка эришган, камол топган, бекам-у кўст, мукаммал.

У юракнинг ўзидек ҳассос, Табиатдек эди баркамол. — Э. Воҳидов

Ота ўз орзусига эришди — фарзанд баркамол зот бўлиб етишди. — Ёшлик

Табиат уни баркамол этиб яратмиш: ҳусн-у малоҳати-ю ақл-у заковати бир-биридан зиёда. — С. Сиёев, Аваз

Маҳоратимни ошириш устида олиб борилган ижодий изланишлар бадиий баркамол асарларнинг вужудга келишига омил бўлди. — Н. Сафаров, Оловли излар

Тўлиқ мақола →