Поиск

ot 1. Oʻsimliklar urugʻidan, xususan, chigitdan moy chiqaradigan qurilma; moyjuvoz.

Juvoz haydamoq. Otni juvozga qoʻshmoq.

Juvozga qoʻshilgan eshakka bir bogʻ xashak bilan bir chelak suv boʻlsa bas. — E. Usmonov, Yolqin

Qoʻshni hovlidan chuchitilgan juvoz moyining isi keladi. — S. Ahmad, Hukm

2. Sholi oqlaydigan qurilma; objuvoz.

ot 1. Juvoz haydovchi, juvozxonada (objuvoz yoki moyjuvozda) ishlovchi ishchi.

Juvozkash darvozani ichidan zanjirlab oldi. — T. Murod, Qoʻshiq

Asqar juvozkash desa, hamma taniydi. — N. Fozilov, Oqim

2. Juvozga qoʻshiladigan.

Juvozkash ot.

3. Tirikchiligi, daromadi asosan moyjuvoz ustida boʻlgan shaxs, moyjuvoz egasi.

Yoʻlchi uni [ Shoqosimni] bir juvozkash mayda boyga xizmatkorlikka — uning juvozini haydovchi sifatida oʻrnashtirdi. — Oybek, Tanlangan asarlar

ot Objuvoz yoki moyjuvoz oʻrnatilgan joy, bino.

Huri ham istabmi, istamaymi juvozxonaga tez-tez kirib turadigan boʻlib qoldi. — N. Fozilov, Oqim

ot Juvoz haydash bilan shugʻullanish, juvozda ishlashlik.

U [Ali toshbaqa] juvozkashlig-u qorovullikdan tashqari qassoblik ham qiladi. — R. Rahmonov, Changalzordagi sharpa

Quluntoy ham unga qilib eski eshlik, Oʻrgatibdir Koʻkanchaga juvozkashlik. — Gʻ, Gʻulom

ot 1. Suv kuchi bilan yuradigan, sholi oqlaydigan qurilma.

Salomni etakdagi objuvozdan sholi obketayotgan kishilar koʻribdi. — Sh. Xolmirzayev, Ogʻir tosh koʻchsa

Sherbek oʻz ovozidan oʻzi qoʻrqib ketdi: yuragi objuvozdek gurs-gurs urardi. — S. Anorboyev, Oqsoy

2. Shunday qurilma oʻrnatilgan xona; objuvozxona.

ot Oʻsimlik urugʻidan moy olinadigan juvoz va shu juvoz joylashgan joy.

Senga oʻxshash objuvozi, moyjuvozi borlar soliq toʻlamasa, mullajiring qayoqdan tushadi? — P. Tursun, Oʻqituvchi

ot 1. Objuvozda ishlovchi, objuvozda sholi oqlovchi odam.

Ular Xoʻjamozorda eskidan tanish boʻlgan objuvozchi cholning uyiga qoʻnishdi. — Yoshlik

2. Objuvoz egasi, xoʻjayini.

ot Objuvoz oʻrnatilgan xona; objuvoz.

ot Objuvozchi ishi, kasbi.