Hayot Foundation лойиҳаси
Лойиҳа ҳақида
Ўз
Ўз

Қидирув

«жирилламоқ» бўйича 21 та натижа

Филтр
Бўлим
Луғатлар Шевалар
Луғат тури
Изоҳли Таржима Терминологик
Тилдан
Ўзбекча Русча Қозоқча
Тилга
Ўзбекча Русча Инглизча Қорақалпоқча Немисча Франсузча Арабча Лотинча Туркча

← Барча натижалар

Луғат мақолалари

21 та · 1-саҳифа / 2
жирилламоқ
Изоҳли луғат · яна 2 та луғатда

фл. Аламига чидай олмай гапирмоқ; гап, танқид ва шу кабиларни кўтара олмай қизишмоқ.

Камчиликларингизни кўрсаца, нега жириллайсиз?

Бирданига қирқ етти боғ ютқизган Ниёзмат ҳожи жириллаб, яна тўқсон тўрт боғ тикди. — А. Қаҳҳор, Сароб

— Тўрт йил остонангизда ишладим, энди ҳақ десам, нега жириллайсиз? — деди Жониш Сотволди бойга. — Ҳ. Шамс, Душман

Тўлиқ мақола →
жир
Изоҳли луғат · яна 5 та луғатда

от с. т. Мой, ёғ.

— Етмиш икки ҳунаринг бор, лекин хумчангда беш пайса жиринг ёʻқ! — деб Мирвали банги бир кун Бердибойни койиган эди. — А. Қодирий, Обид кетмон

  • Жир битмоқ 1. Семирмоқ, эт, ёғ битмоқ. Қўйга ҳеч жир битмаётир.Сидиқжон қайнанасидан бу хилдаги таъналарни кўп эшитган, лекин сира гап қайтармаган эди, бу сафар заҳарханда қилиб: — Ўзи тўймаганнинг салқити қорин оғритади, онажон, сиздан ортди-ю бизга жир битдими! — деди. — А. Қаҳҳор, Қўшчинор чироқлариЭнди жир битди-да! Битта кўйлак иккита бўлди. — А. Қаҳҳор, Қўшчинор чироқлари
  • Жири бор Қўр-қути бор, давлатманд. Жири бор оилаларнинг болаларига мактаб ҳам, Мадраса ҳам ярашади. — Ойбек, Танланган асарлар
Тўлиқ мақола →
жиров

от шв. Достон, терма айтиб куйловчи бахши (ўзбек, қорақалпоқ, қозоқ халқларида).

Қозоқлар орасида бахшилар, жировлар элни оралаб тентираб юриб, тирикчилик ўтказадилар. — М. Муҳаммаджонов, Турмуш уринишлари

Жамбул шоирлар жирови, оқсоқол, Тилларга бол бердинг, элларга ҳаммақол. — М. Шайхзода.

Тўлиқ мақола →
жирафа
Изоҳли луғат · яна 2 та луғатда

от Тропик мамлакатларда яшайдиган узун бўйинли ўтхўр ҳайвон.

Африка бутазорларида ҳайвон овловчилар бир куни битта жирафа тутиб, қафасга солишди. — Фан ва турмуш

Тўлиқ мақола →
жиринг
Изоҳли луғат · яна 1 та луғатда

тақл. с. Металл, чинни, шиша буюмларнинг урилишидан чиқадиган нозик товуш ҳақида.

Телефон жиринг этди. Пулга ўч у [Самандаров], ёнингизда танга жиринг эца, лаббай, гапирдингизми? деб турадиган одам. — А. Мухтор, Туғилиш.

  • Мулла жиринг ёки жиринг чақа Пул, танга-чақа. — Ҳукуматчилик,— деб ҳамсуҳбатларига тасалли берди Махсум, — менга ўхшаш, сенга ўхшаш мойжувози борлар солиқ тўламай қўйса, давлатнинг ҳамёнига мулла жиринг қаёқдан тушади? — П. Турсун, Ўқитувчи
Тўлиқ мақола →
жиртак
  • Жиртак отмоқ (ёки чалмоқ) 1. Гап-сўз қилмоқ; майна қилмоқ. Мен ҳам юра берсам, тирикчилигимни қила берсам, биров жиртак чаладими? — А. Мухтор, Туғилиш;Лекин Камол қози жиртак отиб, оёқ тираб туриб олди. — К. Яшин, Ҳамза
Тўлиқ мақола →
жирканч
Изоҳли луғат · яна 6 та луғатда

сфт. 1. Одам ҳазар қиладиган, жирканадиган; кишини жиркантирадиган; ифлос.

Жирканч манзара.

Ёқимсиз, жирканч кулги Аҳмаднинг хамини бўлди. — Ф. Мусажонов, Ҳиммат

2. кўчма Разил, қабиҳ.

Соф нарсага қўл бериш учун жирканч нарсага ҳам қўл уришга тўғри келар экан. — П. Қодиров, Уч илдиз

Тўлиқ мақола →
жирканмоқ
Изоҳли луғат · яна 7 та луғатда

фл. Ҳазар қилмоқ, ирганмоқ.

Ҳайдаров суҳбатдошига бирдан жирканиб қараб қўйди. — А. Мухтор, Бўронларда бордек ҳаловат

Пошшахон шаҳарлик бойвучча аёл бўлиб, ўз қариндошларидан жирканар, берироқ юришни ёқтирарди. — Д. Нурий, Осмон устуни

Тўлиқ мақола →
жирингламоқ
Изоҳли луғат · яна 5 та луғатда

фл. Металл овози каби бўғиқроқ товуш чиқармоқ.

Телефон жиринглади. Маҳмуд Ҳайдарович трубкани олди. — А. Мухтор, Бўронларда бордек ҳаловат

Телефон жиринглаб, Муродованинг хаёлини бузди. — И. Раҳим, Ихлос

Тўлиқ мақола →